بۇگىنگى كەزدەسۋدە قالامىزدا ءالى دە تولىق شەشىمىن تاپپاعان قوعامدىق كولىك ماسەلەسى دە تىس قالمادى.
تۇرعىن سۇراعى:
- №125 اۆتوبۋستىڭ ينتەرۆالى 40 مينۋت. ول «كوكجيەككە» دەيىن بارادى، مەن ءوزىم وسى اۆتوبۋسپەن جۇرەمىن. وسىنى رەتتەۋگە بولا ما؟
«ماۋسىم ايىنا دەيىن جاڭا اۆتوبۋستار الىنىپ جاتىر. №125 اۆتوبۋس تولىعىمەن جاڭارادى. №69 مارشرۋتتا 8 مەترلىك اۆتوبۋستار ءجۇر، ونى دا 10 مەترلىك اۆتوبۋسقا اۋىستىرامىز. ءقازىر 10 اۆتوبۋس ءجۇرۋى كەرەك، ءبىراق ءقازىر 6 قوعامدىق كولىك جۇرەدى. جاڭا اۆتوبۋس كەلگەن سوڭ، 12 اۆتوبۋس شىعارىپ ينتەرۆالىن ازايتىپ بەرەمىز»، - دەدى الماتى قالاسى قالالىق موبيلدىلىك باسقارما باسشىسى ساعىندىق تەلىبايەۆ.
بۇعان قوسا قالا اكىمى ەربولات دوسايەۆ: «پرەزيدەنت تاپسىرماسى بار. بيىل 300 جاڭا اۆتوبۋس ساتىپ الايىن دەپ جاتىرمىز. ءبىراق مۇمكىنشىلىك بولسا، تاعى 200-دەي اۆتوبۋس الۋعا تىرىسامىز»، - دەپ ناقتىلاي كەتتى.