ەندى ءماجىلىس پەن ءماسليحات سايلاۋى وتكىزىلەدى.
مەملەكەت باسشىسى پارلامەنت پالاتالارىنىڭ ءتوراعالارى جانە پرەمەر-مينيسترمەن ءماجىلىستى تاراتۋ جانە ءماسليحاتتاردىڭ وكىلەتتىگىن مەرزىمىنەن بۇرىن توقتاتۋ جونىندە كەڭەس وتكىزدى، دەپ حابارلايدى Almaty-akshamy.kz اقورداعا سىلتەمە جاساپ.
قاسىم-جومارت توقايەۆ قازاقستان حالقى رەفەرەندۋمدا ساياسي وزگەرىستەرگە، سونىڭ ىشىندە پارلامەنتتى جانە ءماسليحاتتاردى جاساقتاۋ ءتارتىبىن جاڭارتۋعا قولداۋ بىلدىرگەنىن ايتتى.
«مەن قىركۇيەكتەگى جولداۋىمدا الدا تۇرعان سايلاۋ ناۋقاندارى تۋرالى ايتتىم. سوعان سايكەس، وتكەن جىلدىڭ قاراشا ايىندا كەزەكتەن تىس پرەزيدەنت سايلاۋى ءوتتى. جۋىردا سەنات دەپۋتاتتارىنىڭ ءبىر بولىگى سايلاندى. ەندى ءماجىلىس پەن ءماسليحات سايلاۋىن وتكىزۋىمىز كەرەك»، - دەدى پرەزيدەنت.
مەملەكەت باسشىسى، كونستيتۋسيانىڭ 63ء-شى جانە 86-شى باپتارىنا سايكەس، وتكىزگەن كەڭەس بارىسىندا سەنات ءتوراعاسى ماۋلەن اشىمبايەۆ، ءماجىلىس ءتوراعاسى ەرلان قوشانوۆ جانە پرەمەر-مينيستر ءاليحان سمايىلوۆ ءسوز سويلەدى.
كەزدەسۋ سوڭىندا پرەزيدەنت بارلىق ايتىلعان وي-تۇجىرىمداردى ەسكەرىپ، ناقتى شەشىم قابىلدايتىنىن مالىمدەدى.