ونىڭ ىشىندە جاس عالىمدارعا، كوللابوراسياعا، قىسقا مەرزىمدى، جەكە گرانتتار بار.
بۇل تۋرالى عىلىم كوميتەتىنىڭ ءتوراعاسى دارحان احمەد-زاكي مالىمدەدى. ونىڭ ايتۋىنشا، 2022-23 جىلداردى قامتيتىن بايقاۋدىڭ جالپى جۇلدە قورى – 74 ميلليارد تەڭگە. بۇرىن بۇل كونكۋرستار ءۇش جىلدا ءبىر رەت وتسە، ەندى جىل سايىن ۇيىمداستىرىلادى. سونىمەن قاتار، قابىلداناتىن شەشىمدەردىڭ اشىقتىعىن قامتاماسىز ەتەتىن شارالار دا قاراستىرىلعان.
«قازىرگى تاڭدا ۇلتتىق عىلىمي كەڭەستەر جۇمىسىنىڭ فورماتى وزگەردى. جەتەكشى عالىمدار ناۋكومەتريا نەگىزىندە تاڭدالىپ، كەڭەس قۇرامدارى 85%-عا جاڭارتىلدى. كەڭەس وتىرىستارىنىڭ مىندەتتى ونلاين-ترانسلياسيالارى، ناقتى كريتەرييلەر ارقىلى جوبالاردى قارجىلاندىرۋ بويىنشا اشىق داۋىس بەرۋ ەنگىزىلدى»،- دەدى ق ر عىلىم جانە جوعارى ءبىلىم مينيسترلىگى عىلىم كوميتەتىنىڭ ءتوراعاسى دارحان احمەد-زاكي.