پاريجدە مەملەكەت باسشىسى قاسىم-جومارت توقايەۆتىڭ فرانسياعا رەسمي ساپارى اياسىندا «قازاقستان تەمىر جولى» ۇك» اق مەن «ALSTOM Transport SA» اق اراسىندا جانە «قازاقستان تەمىر جولى» ۇك» اق مەن Société Générale بانكى اراسىندا كەلىسىمدەرگە قول قويىلدى.
قابىلدانعان قۇجاتقا سايكەس، ALSTOM كومپانياسى 2023-2029 جىلدار كەزەڭىندە قازاقستاندىق زاۋىتتا ەقز ەلەكتروۆوز شىعارادى جانە «قازاقستان تەمىر جولى» ۇك» اق ءۇشىن 245 ەلەكتروۆوز جەتكىزىپ بەرەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل مامىلە پايىزدىق مولشەرلەمەنى سۋبسيديالايتىن فرانسيا قارجى مينيسترلىگىنىڭ، BPIFrance مەملەكەتتىك ەكسپورتتىق-يمپورتتىق اگەنتتىگىنىڭ جانە Société Générale بانكىنىڭ بەلسەندى قولداۋىمەن جۇزەگە اسىرىلادى.
بۇل ەلەكتروۆوزداردىڭ قازىرگى تاپشىلىعى ماسەلەسىن شەشەدى جانە قازاقستاندىق جۇك جونەلتۋشىلەرگە ساپالى قىزمەت كورسەتۋگە مۇمكىندىك بەرەدى.