بيىل ەلىمىزدىڭ كۇنتىزبەسى «انالار كۇنى» مەرەكەسىمەن تولىقتى

اتاپ ايتقاندا، العاش رەت «انالار كۇنى» مەرەكەسى اتاپ وتىلۋدە.

10 مامىردا استاناداعى  بەلسەندى ۇزاق ءومىر ءسۇرۋ ورتالىعىنا اق جاۋلىقتى انالارىمىز جينالىپ، انالار مەرەكەسىنىڭ ماڭىزدىعىنا ەرەكشە ءمان بەردى، دەپ حابارلايدى Almaty-akshamy.kz Elorda.info-عا سىلتەمە جاساپ. 

ورتالىق قىزمەتكەرلەرى انالار مەرەكەسىن «باتىر انا»، «التىن القا» جانە «كۇمىس القا» يەگەرلەرىنە قۇرمەت كورسەتىپ، ولاردىڭ ۇرپاق تاربيەسى مەن ۇلت بولاشاعىنا قوسقان ەڭبەگىن ۇلىقتاۋ ماقساتىندا ۇيىمداستىردى.

مەرەكەلىك ءىس-شارا «انالار الەمى» اتتى سۋرەت كورمەسىنەن باستالدى. سونىمەن قاتار جينالعاندارعا «قولونەر-توقىما» اتتى شەبەرلىك كلاسى وتكىزىلدى.  

انالار مەرەكەسى ورتالىقتىڭ كوركەم ونەرپازدارى دايارلاعان كونسەرتپەن ۇلاستى. بارلىق اندەر انا تاقىرىبىنا ارنالدى. قالا زەينەتكەرلەرىنەن قۇرالعان «اسىل مۇرا» دومبىراشىلار وركەسترى، «ۆەتەرانى» حورى مەن «ساعىنىش سازى»  ءانسامبلى جانە ت.ب. ونەرپازدار ونەرلەرىن ورتاعا سالدى.

«انالار كۇنى» مەرەكەسىنە قاتىسقان زەينەتتەگى ءبىر «باتىر انا»، ءبىر «التىن القا» جانە 12 «كۇمىس القا» يەگەرىنە قوشەمەت كورسەتىلىپ، سىيلىقتار تابىس ەتىلدى.

ءىس-شاراعا قالا كاسىپكەرلەرى دەمەۋشىلىك ەتتى.