ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ كوكتەمگى دالا جۇمىستارىنىڭ بارىسى تۋرالى باياندادى، دەپ حابارلايدى aqshamnews.kz
ول وبلىس اكىمدىكتەرىنىڭ دەرەكتەرى بويىنشا بيىل جالپى ەگىس القابى 23،7 ملن گەكتاردى قۇرايتىنىن، بۇل وتكەن جىلمەن سالىستىرعاندا 413 مىڭ گەكتارعا ارتىق ەكەنىن اتاپ ءوتتى.
مەملەكەت باسشىسىنىڭ تاپسىرماسى بويىنشا اۋىل شارۋاشىلىعى داقىلدارىن ءارتاراپتاندىرۋ بويىنشا جۇيەلى جۇمىس جۇرگىزىلۋدە: ناتيجەسىندە 2 جىل ىشىندە بيداي القاپتارىن 750 مىڭ گەكتارعا قىسقارتۋعا قول جەتكىزىلدى، ال جەمشوپ جانە مايلى داقىلداردىڭ ەگىس القاپتارى بيىل 3،3 ملن گەكتارعا جەتەدى، بۇل رەتتە كۇنباعىس القابى العاش رەت 1،4 ملن گەكتاردى قۇراعالى وتىر.
«ءداندى جانە بۇرشاق داقىلدارىن 16،6 ملن گەكتارعا ورنالاستىرۋ جوسپارلانۋدا. ماقتا الاڭى 135 مىڭ گەكتار بولماق، ونىڭ ىشىندە ءداستۇرلى ادىسپەن وسىرىلەتىن الاڭ 21،4 مىڭ گەكتارعا قىسقارىپ، 85 مىڭ گەكتاردى قۇرايدى. بۇل رەتتە، «تۇركىستان» الەۋمەتتىك كاسىپكەرلىك كورپوراسياسى مەن قىتايلىق سينسزيان ليحۋا كومپانياسىنىڭ ورتاق جوباسىن ەسەبىنەن تامشىلاتىپ سۋارىلاتىن ماقتا الاڭى 50 مىڭ گەكتارعا ۇلعايادى» — دەپ تولىقتىردى ايداربەك ساپاروۆ.
