بيىل ەلىمىزدە مىڭعا جۋىق ەسىرتكى قىلمىسىنىڭ بەتى اشىلدى

ەسىرتكىنىڭ ترانسۇلتتىق ارناسىن جويۋ كەزىندە 13 قازاقستاندىق قولعان تۇسكەن.

ق ر ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ مىندەتىن اتقارۋشى اسقار مۇحامەتقالييەۆتىڭ مالىمدەۋىنشە، 7 ەسىرتكى زەرتحاناسى جويىلدى ەتتى، دەپ حابارلايدى Almaty-akshamy.kz

«جاقىندا قازاقستان مەن رەسەيدىڭ ىشكى ىستەر مينيسترلىكتەرى ەكى ەلدىڭ اۋماعىندا سينتەتيكالىق ەسىرتكىلەردى جەتكىزۋدىڭ ترانسۇلتتىق ارناسىن جابۋ بويىنشا ارنايى وپەراسيانى اياقتادى. ول وپەراسيا وتكەن جىلدىڭ سوڭىنان بيىلعى جىلدىڭ ءساۋىر ايى ارالىعىندا وتكىزىلدى. ومبى مەن تارازدا ءبىر مەزگىلدە جۇرگىزىلگەن ءىس-شارالاردىڭ ناتيجەسىندە، سينتەتيكالىق ەسىرتكىنىڭ رەسەيدەگى نەگىزگى جونەلتۋشىسى جانە ولاردى قازاقستاندا قابىلداپ الۋشى ۇستالدى»، - دەدى ا. مۇحامەتقالييەۆ.

ونىڭ ايتۋىنشا، وسى وپەراسيا كەزىندە ەسىرتكى وندىرگەنى جانە تاراتقانى ءۇشىن قازاقستاننىڭ 13 ازاماتى ۇستالدى. الماتى، التاي، اقتوبە، اتىراۋ، تاراز جانە قىزىلوردا قالالارىندا 7 ەسىرتكى زەرتحاناسى جويىلدى.

«جالپى قۇنى 9،5 ملن اقش دوللارىنان اساتىن 260 كەلىدەن استام دايىن ەسىرتكى تاركىلەندى. اسا اۋىر قىلمىس رەتىندە 15 جىلدان جانە ءومىر بويىنا باس بوستاندىعىنان ايىرۋعا دەيىن جازا ەسكەرىلگەن»، - دەدى ۆەدومستۆو وكىلى.