جۇمىسپەن قامتۋ ورتالىعىنا 17261 ادام جۇگىنگەن.
حالىقتى جۇمىسپەن قامتۋ ورتالىعىنا جىل باسىنان بەرى 17261 ادام جۇگىنگەن، ونىڭ ىشىندە 13460 جۇمىس ىزدەۋشى رەتىندە تىركەلدى. بۇل تۋرالى بريفينگ بارىسىندا الماتى قالالىق جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سپيكەردىڭ سوزىنشە، حالىقتى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى بىلتىر ءۇش باعىت بويىنشا جۇزەگە اسىرىلدى.
«باعدارلامانىڭ ءبىرىنشى باعىتى بويىنشا تەحنيكالىق، كاسىپتىك بىلىممەن جانە قىسقا مەرزىمدى وقۋمەن 1031 ادام قامتىلدى. جاپپاي كاسىپكەرلىكتى دامىتۋ ءۇشىن 115 ادام شاعىن نەسيە الدى. سونىمەن قاتار، 200 اەك كولەمىندە 1298 گرانت بەرىلدى. (583400 تەڭگە). باعدارلامانىڭ ءۇشىنشى باعىتىنا سايكەس، 39245 ادام جۇمىسقا ورنالاستى. ونىڭ ىشىندە ۋاقىتشا -10984 ادام، تۇراقتى جۇمىس ورىندارىنا - 28351 ادام»،- دەدى ديليارا يمانقۇلوۆا.
ايتۋىنشا، بۇگىنگى كۇنى جۇمىسپەن قامتۋ ورتالىعىنا 17261 ادام جۇگىنگەن. ونىڭ ىشىندە 13460 تۇرعىن جۇمىسسىز رەتىندە تىركەلگەن.