2024 جىلى قوستاناي وبلىسىندا «كاماز» جاق-مەن بىرلەسىپ قوزعالتقىش بولشەكتەرى مەن كوپىرلەردىڭ شويىننان قۇيىلعان دەتالدارىن وندىرەتىن زاۋىت ىسكە قوسىلادى. بۇل جونىندە ييدم يندۋستريالىق دامۋ كوميتەتى ءتوراعاسىنىڭ ورىنباسارى ولجاس ساپاربەكوۆ مالىمدەدى، دەپ حابارلايدى Almaty-akshamy.kz Elorda.info-عا سىلتەمە جاساپ.
«وتاندىق وندىرۋشىلەر 2022 جىلى شامامەن 109 مىڭ بىرلىك جەڭىل اۆتوكولىك ءوندىرۋدى جوسپارلاپ وتىر. اۆتوكولىكتى لوكاليزاسيالاۋ ماسەلەسىنە كەلەتىن بولساق، وتكەن 10 جىلدا كاسىپورىندار ءىرى جانە ۇساق توراپتى قۇراستىرۋدى ۇيرەندى. ءقازىر قازاقستان بويىنشا اۆتوونەركاسىپ سالاسى جەرگىلىكتى اۆتوپرومنىڭ 33 پايىزىن قۇرايدى. ال كەي مودەلدەر بويىنشا 50 پايىزعا دەيىن جەتەدى»، – دەدى ولجاس ساپاربەكوۆ.
مۇنىمەن قاتار، كوميتەت وكىلى قازاقستاننىڭ قۇرامداس بولىكتەر ءوندىرىسىن دامىتۋ بويىنشا قوسىمشا مىندەتتەمەلەرى بار جاڭا كەزەڭگە كوشىپ جاتقانىن ايتتى.
«مىسالى، اۆتوونەركاسىپ پەن اۋىل شارۋاشىلىعى ماشيناسىن جاساۋدا اككۋمۋلياتور، اليۋمينيي ديسكى، پلاستيكالىق بولشەك، دەستەلەگىش، سۋ جانە ماي سورعىسى، موتور استى راماسى، ماي، وتاندىق ءوندىرىستىڭ سۇزگىلەرى تەحنيكاعا ورناتىلعان. بۇدان وزگە، 2021 جىلدىڭ ناۋرىز ايىندا "اگروماشحولدينگ KZ" اق بازاسىندا اۆتوموبيلدەر مەن اۋىل شارۋاشىلىعى ماشينالارىن جاساۋعا ارنالعان كومپونەنتتەردى ءوندىرۋ بويىنشا قوستاناي قالاسىندا وقشاۋلاۋ ورتالىعى ىسكە قوسىلدى»، – دەدى كوميتەت وكىلى.
سونداي-اق، ولجاس ساپاربەكوۆ 2024 جىلى قوستاناي وبلىسىندا «كاماز» جاق-مەن بىرلەسىپ قوزعالتقىش بولشەكتەرى مەن كوپىرلەردىڭ شويىننان قۇيىلعان دەتالدارىن جانە جۇك كولىكتەرىنىڭ قوسالقى بولشەكتەرىن وندىرەتىن زاۋىتتاردى ىسكە قوسۋ جوسپارلانىپ وتىرعانىن ايتتى.
«كومپونەنتتىك بازانى دامىتۋدىڭ باسقا جوسپارلارى بار. مىسالى، رەزەڭكە جانە پلاستيكالىق ينتەرەر بولشەگى، اينەك، ورىندىق، كابينا، ديسكى، شتامپتاۋ بولشەكتەرىن ءوندىرۋ»، – دەدى ول.
مۇنىمەن قاتار، مامان جەڭىلدەتىلگەن اۆتونەسيە شارتتارىن ءتۇسىندىرىپ، ونى ءبىر ادامنىڭ ەكى جىلدا ءبىر رەت الا الاتىنىن ايتتى.