ونلاين-كەزدەسۋ بارىسىندا تاراپتار قازاقستانداعى قازىرگى جاعدايدى جانە ق ر ۇكىمەتىنىڭ بانك سەكتورىنا قاتىستى قىسقا مەرزىمدى ءىس-قيمىل جوسپارىن تالقىلادى.
ق ر پرەمەر-مينيسترى ءاليحان سمايىلوۆ بەينەكونفەرەنسيا بايلانىسى رەجيمىندە ەقدب بانكتىك وپەراسيالار جونىندەگى ۆيسە-پرەزيدەنتى الان پيۋمەن كەلىسسوز جۇرگىزدى، دەپ حابارلايدى Almaty-akshamy.kz
ق ر پرەمەر-مينيسترى تەڭگەگە دەگەن سەنىمدى ساقتاۋ جانە قارجىلىق تۇراقتىلىقتى قامتاماسىز ەتۋ ماقساتىندا ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى جۇزەگە اسىرعان شارالار تۋرالى ايتىپ بەردى.
قازاقستاننىڭ بانك سەكتورىنىڭ ەلەۋلى كاپيتال قورى بار ەكەندىگى اتاپ ءوتىلدى، بۇل تەرىس فاكتورلارعا قاراماستان بانكتەرگە تۇراقتىلىقتى ساقتاۋعا مۇمكىندىك بەرەدى. ماسەلەن، وسى جىلدىڭ باسىنان بەرى بانكتەردىڭ جيىنتىق اكتيۆتەرى 148 ملرد تەڭگەگە (0،4%) 37،8 ترلن تەڭگە كورسەتكىشىنە دەيىن ءوستى. مەنشىكتى كاپيتال 96 ملرد تەڭگەگە (2،1%) ءوسىپ، 4،6 ترلن تەڭگەنى قۇرادى.
كەزدەسۋ قورىتىندىسى بويىنشا تاراپتار ىسكە اسىرىلىپ جاتقان جوبالار مەن ىنتىماقتاستىقتىڭ باسقا دا باعىتتارى بويىنشا بەلسەندى ءوزارا ءىس-قيمىلدى جالعاستىرۋعا كەلىستى.
انىقتاما: ەۋروپا قايتا قۇرۋ جانە دامۋ بانكى 1991 جىلى قۇرىلعان، ورتالىق ەۋروپادان ورتالىق ازياعا دەيىنگى ەلدەردەگى، سونداي-اق وڭتۇستىك جانە شىعىس جەرورتا تەڭىزى ەلدەرىندەگى جوبالاردى قارجىلاندىراتىن حالىقارالىق قارجى ۇيىمى. قازاقستان بويىنشا 2021 جىلى ەقدب 18 جوباعا 558 ملن ەۋرو ينۆەستيسيا سالدى، ونىڭ 40%-عا جۋىعى جاسىل ەكونوميكاعا كوشۋگە بايلانىستى.