جىل باسىنان بەرى قازاقستاندىقتار مىندەتتى الەۋمەتتىك مەديسينالىق ساقتاندىرۋ (ءمامس) جۇيەسىنىڭ ەسەبىنەن كورسەتىلگەن كومپيۋتەرلىك توموگرافيا (كت) جانە ماگنيتتىك-رەزونانستىق توموگرافيا (مرت) سياقتى 1 ملن-نان استام قىمبات زەرتتەۋلەردەن ءوتتى.
بۇل تۋرالى دەنساۋلىق ساقتاۋ مينيسترلىگىنىڭ سايتىندا جاريالاندى، دەپ حابارلايدى aqshamnews.kz.
مرت جانە كت – بۇل ءارتۇرلى اۋرۋلار مەن پاتولوگيالاردى ەرتە ساتىسىندا انىقتاۋعا، سونداي-اق اعزالار مەن تىندەردىڭ جاعدايىن باعالاۋعا كومەكتەسەتىن ماڭىزدى دياگنوستيكالىق ادىستەر.
وسى قىزمەتتەر كورسەتىلگەن 500 مىڭ پاسيەنتتىڭ 45 مىڭى ونكولوگيالىق اۋرۋلارعا كۇدىك تۋىنداعان جاعدايدا زەرتتەۋدەن ءوتتى.
اعىمداعى جىلى زەرتتەۋلەردىڭ سانى وتكەن جىلدىڭ سايكەس كەزەڭىمەن سالىستىرعاندا 31،2 مىڭعا ءوستى.
مەديسينالىق كورسەتكىشتەر مەن ساقتاندىرۋ مارتەبەسى بولعان جاعدايدا، جوعارىدا اتالعان دياگنوستيكالىق ادىستەر پاسيەنتتەرگە تەگىن قولجەتىمدى.
ءمامس جۇيەسى ەل ازاماتتارىنا قىمبات مەديسينالىق قىزمەتتەرگە قول جەتكىزۋگە، پاسيەنتتەرگە قارجىلىق جۇكتەمەنى ازايتۋعا جانە ساپالى مەديسينالىق قىزمەتتەردىڭ قولجەتىمدىلىگىن ارتتىرۋعا مۇمكىندىك بەرەدى.