مەملەكەتتىك كىرىستەر كوميتەتى 2024 جىلعى 13 جەلتوقسانعا قاراعان تۇننەن باستاپ «سىرىم» اۆتوكولىك وتكىزۋ پۋنكتىندە رەسەي فەدەراسياسىنا قاراي 450-500 جۋىق جۇك كولىگىنىڭ جينالعانىن ءحمالىم ەتتى، دەپ حابارلايدى aqshamnews.kz.
جۇك كولىكتەرىنىڭ جينالۋى 2024 جىلدىڭ 12 جەلتوقسانىنان باستاپ باتىس قازاقستان وبلىسى مەن رەسەي فەدەراسياسىنىڭ سامارا وبلىسىنىڭ اۋماعىندا اۋا-رايىنىڭ ناشارلاۋىنا بايلانىستى تۋىنداعان — قالىڭ قار، بوران، كوكتايعاق.
رەسەي فەدەراسياسىنداعى فەدەرالدى تراسسالار بويىنشا قوزعالىس ۋاقىتشا شەكتەلگەن، جانە رەسەي تجم مالىمەتتەرى بويىنشا شەكتەۋلەر شامامەن 2024 جىلدىڭ 13 جەلتوقسانىندا ساعات 22:00-گە دەيىن سوزىلادى. وسىعان بايلانىستى، جۇك كولىكتەرىنىڭ قوزعالىس باعىتى بويىنشا ءجۇرىپ ءوتۋ مۇمكىندىگى جوق جانە ولار اۋا-رايىنىڭ جاقسارۋىن كۇتۋدە.
اتالعان جاعداي بويىنشا جۇرگىزۋشىلەرگە تۇسىندىرمە جۇمىستارى جۇرگىزىلۋدە، ياعني كەمپينگتەردە اۋا-رايىنىڭ جاقسارۋىن كۇتۋ نەمەسە باسقا وبلىستارداعى جاقىن ماڭداعى وتكىزۋ پۋنكتتەرى ارقىلى مارشرۋتتى وزگەرتۋ ۇسىنىلادى.