قوستاناي وبلىسىندا كوشى-قون قىزمەتىنە تىركەلەتىن شەتەلدىكتەر سانى سوڭعى كۇندەرى ءۇش ەسە ارتقان.
بۇل تۋرالى وسى سالاعا جاۋاپتى ماماندار مالىمدەدى. مۇنداي جاعداي رەسەيدە ءىشىنارا موبيليزاسيا جاريالانعاننان كەيىن قالىپتاسىپ وتىر، دەپ حابارلايدى Almaty-akshamy.kz.
حالىققا قىزمەت كورسەتۋ ورتالىقتارىندا دا ولاردىڭ قاراسى كوبەيگەن. رەسەيلىكتەر جسن، ەلەكتروندى قولتاڭبا جانە ۋاقىتشا تۇرۋ تىركەۋ قۇجاتتارىن الىپ جاتىر. شەكارادان وتكەن شەتەلدىكتى قابىلداپ الۋشى جاق ءۇش كۇن ىشىندە كوشى-قون پوليسياسىن حابارلاندىرۋ ارقىلى تىركەۋگە ءتيىس. ال تىركەۋگە تۇرماعانداردى پوليسيا انىقتاپ، ءتيىستى شارا قولدانادى.
«ونى پوليسيا ورگاندارى قىزمەتكەرلەرى رەيد كەزىندە نەمەسە ءاربىر ۋچاسكەگە كەلگەندە ءبارىبىر كورەدى. ەگەر تىركەۋدە بولماسا، ونى انىقتاپ، قاداعالاپ وتىرادى»، - دەيدى وبلىستىق پد كوشى-قون قىزمەتىنىڭ ءبولىم باستىعى گۇلجانات كۇدەبايەۆا.