بيىل جاڭا وقۋ جىلىنان باستاپ ەلىمىزدىڭ مەكتەپتەرى تولىقتاي قاۋىپسىزدىك قۇرالدارىمەن جابدىقتالادى. بۇل تۋرالى وقۋ-اعارتۋ ءمينيسترىنىڭ مىندەتىن اتقارۋشى عاني بەيسەمبايەۆ ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«پرەمەر-مينيستر ءبىلىم مەكەمەلەرىندەگى قاۋىپسىزدىكتى كۇشەيتۋ تۋرالى تاپسىرما بەردى. وسى ورايدا ەلدەگى بارلىق مەكتەپتىڭ قاۋىپسىزدىگىن تەكسەرۋدى تاپسىردىم. تەكسەرىس اياقتالدى، ول جۇمىسقا 162 مونيتورينگ توبى قاتىسىپ، 800-دەن استام ادام تارتىلدى. ونىڭ اراسىندا ىشكى ىستەر مينيسترلىگى، توتەنشە جاعدايلار مينيسترلىگى، ءبىلىم باسقارماسى مەن ءبىزدىڭ مينيسترلىكتىڭ ماماندارى بولدى»، - دەدى عاني بەيسەمبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرىپ.
ونىڭ ايتۋىنشا، تاياۋدا مەكتەپتەردىڭ قاۋىپسىزدىك ماسەلەسى بويىنشا تولىق اقپارات دايىن بولادى.
«الدىن الا مالىمەتكە سايكەس، مەكتەپ كامەرالارى مەن دابىل تۇيمەلەرىن شۇعىل باسقارۋ ورتالىعىنا تىكەلەي قوسۋ بويىنشا پروبلەما بار. كەلەسى ماسەلە قاۋىپسىزدىكتى ساپالى تۇردە قامتاماسىز ەتۋ. بۇگىندە اتالعان جۇمىسقا قاجەتتى سومانى ءبولۋ بويىنشا كەڭەس وتكىزىلدى. 1 قىركۇيەكتە بۇكىل ءبىلىم ۇيىمدارى 100% كۇزەت قۇرالدارىمەن قامتاماسىز ەتىلەدى»، - دەيدى ءمينيستردىڭ مىندەتىن اتقارۋشى.