پوليسيا دەپارتامەنتىنىڭ مۇراجايىندا سالتاناتتى تابىستاۋ ءراسىمى ءوتتى.
50 جاس قىزمەتكەرگە پوليسيا دەپارتامەنتىنىڭ باستىعى ارىستانعاني زاپپاروۆ ءوز قولىمەن لەيتەنانت شەنىن تابىستادى، دەپ حابارلايدى Almaty-akshamy.kz Polisia.kz-كە سىلتەمە جاساپ. قالاداعى ءتارتىپتى قامتاماسىز ەتەتىن وفيسەرلەر قاتارىنا جاس ۇل-قىزدار قوسىلدى.
«قۇرمەتتى ارىپتەستەر! بۇگىن سىزدەر العاشقى وفيسەرلىك شەندەرىڭىزدى الىپ، تولىققاندى پوليسيا قىزمەتكەرى بولدىڭىزدار. بۇگىن سىزدەردىڭ تاۋەلسىز قازاقستانعا قىزمەت ەتۋ، قازاقستان حالقىنا قىزمەت ەتۋ جولدارىڭىز باستالدى. سىزدەر ازاماتتاردىڭ قاۋىپسىزدىگىن قامتاماسىز ەتۋ جانە ولاردىڭ كونستيتۋسيالىق قۇقىقتارىن قورعاۋدا بىلىمدەرىڭىز بەن داعدىلارىڭىزدى دۇرىس قولدانا الاتىندارىڭىزعا سەنىمدىمىن. ارەكەتتەرىڭىزدى انت تالاپتارىمەن ولشەڭىز. زاڭدىلىق، مادەنيەتتىلىك، ادالدىق، باتىلدىق – سىزدەردىڭ باستى قارۋلارىڭىز»، – دەدى ارىستانعاني زاپپاروۆ.