جوبالاردىڭ جالپى سوماسى 9 ملرد تەڭگەنى قۇرايدى.
بۇل تۋرالى وڭىرلىك كوممۋنيكاسيالار قىزمەتى الاڭىندا سويلەگەن سوزىندە الماتى قالاسى اكىمىنىڭ ورىنباسارى الىشەر ءابدىقادىروۆ ءمالىم ەتتى، دەپ حابارلايدى Almaty-akshamy.kz
ونىڭ ايتۋىنشا، قالادا شاعىن جانە ورتا يندۋستريالدىق كاسىپورىندارىنا ارنالعان ونەركاسىپتىك پاركتەر قارقىندى دامىپ كەلەدى.
شاعىن ونەركاسىپتىك پاركتەر اۋماقتارىندا سالالاردى دامىتۋدى ىنتالاندىرۋ ماقساتىندا ءقازىردىڭ وزىندە جاڭا جەڭىلدەتىلگەن نەسيە ءونىمى – ونەركاسىپتىك يپوتەكا ەنگىزىلدى. بۇل ءونىم ساتىپ الىنعان اۋماقتاردى نەسيەگە كەپىلدىك رەتىندە پايدالانۋعا مۇمكىندىك بەرەدى، بۇل كاسىپكەرلەردىڭ كەپىل جۇكتەمەسىن ايتارلىقتاي ازايتادى.
سونداي-اق، بيىل 1،4 ميلليارد تەڭگە ينۆەستيسيا تارتىلىپ، 220 جۇمىس ورنى اشىلعان ءۇش شاعىن يندۋستريالىق پارك ىسكە قوسىلدى.
الىشەر ءابدىقادىروۆ وتكەن جىلدىڭ ارالىق قورىتىندىسىن شىعارىپ قانا قويماي، اكىمدىكتىڭ 2023 جىلعا ارنالعان وڭدەۋ ونەركاسىبىن دامىتۋ جوسپارىنا دا توقتالدى. سونداي-اق، ول بۇگىندە شاعىن ونەركاسىپتىك پاركتەرگە دەگەن قىزىعۋشىلىقتىڭ جوعارى ەكەنىن، بۇل جەڭىلدىك شارتتارمەن بايلانىستى ەكەنىن اتاپ ءوتتى. رەزيدەنتتەرگە 1 شارشى مەترى 1200 تەڭگەدەن كوممۋنيكاسيالارى جۇرگىزىلگەن ادەمى ارلەنگەن ءۇي-جايلار 150 مىڭ تەڭگە/م2 ءۇشىن جالعا الىنعان ءۇي-جايدى كەيىننەن ساتىپ الۋ مۇمكىندىگىمەن 7 جىلعا دەيىن بەرىلەدى سونداي-اق يندۋستريالدى پاركتەردىڭ رەزيدەنتتەرىنە 7 جىلعا دەيىن 70 ملن تەڭگەگە دەيىن جىلدىق 2 پايىزبەن جەڭىلدەتىلگەن نەسيە بەرىلەدى.
بۇگىندە 30 مىڭ شارشى مەتردەن استام شاعىن ونەركاسىپتىك پاركتەردىڭ ءۇي-جايلارى بار، 2025 جىلعا قاراي ولاردى 250 مىڭ شارشى مەترگە دەيىن ۇلعايتۋ جوسپارلانۋدا.
يندۋستريالدى ايماقتىڭ II كەزەڭىن دامىتۋ اياسىندا 2025 جىلعا دەيىن ونىڭ اۋماعىن 189 گەكتارعا كەڭەيتۋ جوسپارلانۋدا. 2023 جىلى 41،7 ملرد تەڭگەگە 15 يندۋستريالىق جوبانى جۇزەگە اسىرۋ، 5 يندۋستريالدى پاركتى ىسكە قوسۋ جوسپارلانۋدا. 2023-2025 جىلدار ارالىعىندا الماتىدا وڭدەۋ ونەركاسىبىندە 243،4 ملرد تەڭگەگە 48 جوبانى جۇزەگە اسىرۋ جوسپارلانۋدا. مۋلتيبرەندتى اۆتوموبيل زاۋىتىنىڭ (Changan، Chery، Haval ماركالارى) قۇرىلىسى جالعاسادى. ول ىسكە قوسىلىپ، جوبالىق قۋاتقا جەتكەننەن كەيىن اۆتوكولىك ءوندىرىسى جىلىنا 150 مىڭعا دەيىن ارتادى. بۇل تولىققاندى اۆتوموبيل ونەركاسىبىنىڭ كلاستەرىن قالىپتاستىرۋعا مۇمكىندىك بەرەدى.
وڭدەۋ ونەركاسىبىن دامىتۋ ونىڭ ەكونوميكاداعى ۇلەسىن 2025 جىلى 6 پايىزعا دەيىن ارتتىرادى.