مەملەكەت باسشىسىنىڭ الماتىنى «جاسىل قالا» رەتىندە قايتا جاڭعىرتۋ جونىندەگى تاپسىرماسىن ورىنداۋ اياسىندا مەگاپوليستى اۋقىمدى كوگالداندىرۋ باعدارلاماسى قارقىندى جۇزەگە اسىرىلىپ جاتىر، دەپ حابارلايدى aqshamnews.kz
نەگىزگى باستامالاردىڭ ءبىرى – 2022 جىلى بەكىتىلگەن «جاسىل الماتى» جول كارتاسى. باعدارلامانىڭ باستى ماقساتى – 2030 جىلعا دەيىن 2،5 ملن جاسىل جەلەك وتىرعىزۋ. جىل سايىن 320 مىڭ اعاش پەن بۇتا وتىرعىزۋ كوزدەلگەن.
2030 جىلعا دەيىن شامامەن 1،3 ملن اعاش وتىرعىزىلادى.
باس جوسپارعا سايكەس، 2030 جىلعا قاراي جاسىل ايماقتاردىڭ جالپى اۋدانى شامامەن ءۇش ەسەگە - 1،3 مىڭ گەكتاردان 3،3 مىڭ گەكتارعا دەيىن ۇلعايادى، ال 2040 جىلعا قاراي ول 3840 گەكتارعا جەتەدى.
ەكولوگيا جانە قورشاعان ورتانى قورعاۋ باسقارماسى ءبىزدىڭ اگەنتتىككە الماتىنىڭ «ب ا ق قالا» مارتەبەسىن قالپىنا كەلتىرۋ بويىنشا اتقارىلىپ جاتقان شارالار تۋرالى ايتىپ بەردى.
– مەملەكەت باسشىسىنىڭ 2030 جىلعا قاراي 2،5 ميلليون جاسىل جەلەك وتىرعىزۋ ارقىلى جاڭا دەمالىس ايماقتارىن قۇرۋ تاپسىرماسىنا سايكەس، سونداي-اق بەكىتىلگەن «جاسىل الماتى» جول كارتاسى اياسىندا قالادا جىل سايىن 320 مىڭ ءتۇپ اعاش وتىرعىزۋ جوسپاردا. 2026 جىلعا قاراي 1،2 ملن استام، 2030 جىلعا قاراي 1،3 ملن-عا جۋىق اعاش وتىرعىزىلادى. سوڭعى ءۇش جىلدا مەگاپوليس اۋماعىندا 1 ملن-نان استام اعاش وتىرعىزىلدى. «الماتى – ب ا ق قالا» اكسياسى اياسىندا جەمىس اعاشتارىن، ونىڭ ىشىندە الما مەن ورىك اعاشتارىن جاپپاي وتىرعىزۋ جۇمىستارى جۇرگىزىلدى، – دەپ حابارلادى باسقارمادان.
جاسىل جەلەك نەگىزىنەن وزەن ارنالارى، سۋ قويمالارى، تاس جول بويىنا جانە باسقا دا قوعامدىق جەرلەرگە وتىرعىزىلادى. جىلۋ ەلەكتر ورتالىعىنىڭ سانيتارلىق-قورعاۋ ايماعى، «باتىس» زيراتى جانە الماتىنىڭ سولتۇستىك-باتىس بولىگىندەگى وندىرىستىك ايماق سياقتى قالانىڭ ەڭ لاستانعان اۋماقتارىن كوگالداندىرۋعا ەرەكشە نازار اۋدارىلىپ جاتىر.
– 2025 جىلى تاعى 320 مىڭ جاسىل جەلەك وتىرعىزۋ جوسپارلانسا، ونىڭ 30 مىڭعا جۋىعى كوكتەمدە، قالعان 290 مىڭى كۇزدە وتىرعىزىلادى. الداعى كوشەت ەگۋ كەزىندە بيىكتىگى 4-6 مەتر بولاتىن 17 مىڭ ءىرى كوشەت وتىرعىزىلادى. بۇل اعاشتار قالانىڭ نەگىزگى اۋماقتارىنا، سونىڭ ىشىندە نەگىزگى كولىك ماگيسترلادارىنا، دەمالىس ورىندارىنا، ساياباقتار مەن اۋلالارعا ورنالاستىرىلادى. بۇل قالانىڭ كوركىن جاقسارتۋعا جانە الماتى تۇرعىندارى مەن قوناقتارىنا جايلى جاعداي جاساۋعا سەپتىگىن تيگىزەدى، – دەپ اتاپ ءوتتى ۆەدومستۆودان.
الماتىدا ءقاۋىپتى، شىرىگەن جانە ەسكى جاسىل جەلەكتەردى ۋاقىتىلى جويۋ جانە انىقتاۋ جۇيەلى تۇردە جۇرگىزىلىپ وتىرادى. الداعى بەس جىلدا 84 مىڭنان استام ءقاۋىپتى اعاشتى كەسىپ، جاس كوشەتتەرگە اۋىستىرۋ جوسپاردا. 2022-2023 جىلدارى قالا تۇرعىندارى مەن ولاردىڭ مۇلكىنىڭ قاۋىپسىزدىگى ءۇشىن 22 مىڭعا جۋىق اعاش كەسىلىپ، ورنىنا 220 مىڭ جاڭا كوشەت وتىرعىزىلدى. 2024 جىلى اۋدان اكىمدىكتەرى 16 مىڭنان استام قورشاعان ورتاعا ءقاۋىپ تۋدىرىپ تۇرعان بۇتانى الىپ تاستادى. 2025 جىلى دا وسى باعىتتاعى جۇمىستار جالعاسادى.
سونىمەن قاتار، ەكولوگيا باسقارماسى قالانىڭ اۋلا اۋماقتارىنىڭ جاسىل قورىن ۇلعايتۋعا باعىتتالعان كوكتەمگى جانە كۇزگى كەزەڭدەردە «جاسىل اۋلا» اكسياسىن جالعاستىرادى.«جاسىل اۋلا» اكسياسى اياسىندا تۇرعىندارعا كوكتەم، كۇز ايلارىندا تەگىن كوشەت تاراتىلادى. ناۋقان بارىسىندا كوپقاباتتى ۇيلەردىڭ اۋلاسى مەن قوعامدىق كەڭىستىكتەردى كوگالداندىرۋعا نيەتتى ءاربىر الماتىلىق شاعان، ۇيەڭكى، شەگىرشىن، قايىڭنىڭ كوشەتتەرىن تەگىن الا الادى.
بۇعان دەيىن قاسىم-جومارت توقايەۆ الماتىدا 2030 جىلعا دەيىن 2،5 ميلليون اعاش وتىرعىزۋ كەرەكتىگىن ايتقان بولاتىن. ەڭ باستىسى، اباتتاندىرۋ جۇمىستارى سۋارمالى سۋدىڭ قولجەتىمدىلىگى مەن قالا جوسپارىن ەسكەرە وتىرىپ، مازمۇندى ءارى بىركەلكى جۇرگىزىلۋى كەرەك.
الماتىدا 136 ساياباق بار. ولاردىڭ قاتارىن كوبەيتىپ، اباتتاندىرۋ جۇمىستارىن جوسپارلى تۇردە جۇرگىزۋ كەرەك.