بيىل حالىقارالىق مۋزەيلەر كۇنى "مۋزەيدىڭ تۇراقتىلىعى مەن وركەندەۋى" ۇرانىمەن وتەدى.
اتاۋلى كۇن قارساڭىندا الماتى قالاسىنىڭ وڭىرلىك كوممۋنيكاسيالار قىزمەتى الاڭىندا ق ر ورتالىق مەملەكەتتىك مۋزەيى مەن "الماتى قالاسى مۋزەيلەر بىرلەستىگى" وكىلدەرى ءسوز سويلەدى، دەپ حابارلايدى Almaty-akshamy.kz.
الماتى قالاسىنىڭ مۇراجايلارى جىل سايىن 18 مامىردا "مۋزەي ءتۇنى" ءداستۇرلى اكسياسىن وتكىزەدى. ماسەلەن، قۇرامىنا 8 مۋزەي كىرەتىن "الماتى قالاسى مۋزەيلەر بىرلەستىكتىگىندە" (الماتى مۋزەيى، ىقىلاس اتىنداعى حالىق مۋزىكالىق اسپاپتار مۋزەيى، د.ا.قونايەۆ مۋزەيى، ن. تىلەندييەۆتىڭ مەموريالدى مۋزەيى، س. مۇقانوۆ پەن ع. مۇسىرەپوۆتىڭ ادەبي-مەموريالدى مۋزەي كەشەنى، ا. بايتۇرسىن ۇلىنىڭ مۋزەي-ۇيى، مۋلتيمەديالىق ءداستۇرلى مۋزىكا ورتالىعى)، "تاريح. تۇلعا. مۋزەي" تاقىرىبىندا اۋقىمدى مادەني-كوڭىل كوتەرۋ شاراسىن وتكىزۋدى جوسپارلار وتىر.
"مۋزەيلەر الماتى قالاسىنىڭ رۋحاني جانە مادەني ءومىرىنىڭ اجىراماس بولىگى بولىپ تابىلادى. ءبىزدىڭ مۇراجايلارعا كەلۋشىلەر ارتەفاكتىلەرمەن تانىسىپ، ولاردىڭ تاريحى مەن الماتى قالاسىنىڭ تاريحى تۋرالى ءبىلىپ قانا قويماي، ءتۇرلى رۋحاني-تاريحي جانە مادەني ءىس-شارالارعا قاتىسىپ، وي-ورىستەرىن كەڭەيتەدى. وسىنداي اكسيالاردىڭ ءبىرى "مۋزەي ءتۇنى" اكسياسى بولىپ تابىلادى"، - دەدى «الماتى قالاسى مۋزەيلەر بىرلەستىگى» ديرەكتورىنىڭ دامۋ جونىندەگى ورىنباسارى قايرات تاربايەۆ.
ماسەلەن، الماتى مۋزەيىندە "ءتىرى مۋزەي" تەاترلاندىرىلعان قويىلىمى ۇيىمداستىرىلادى. كەلۋشىلەردىڭ نازارىنا قولا داۋىرىندەگى ايەل، قازاق باتىرلارى، سونداي-اق باسقا دا بەلگىلى، تاريحي تۇلعالار ۇسىنىلادى. سونداي-اق، بەلگىلى ارتىستەر عازيزحان شەكەربەك، كەنجەبەك ءجانابىلوۆ، ەرلان باينازاروۆ جانە «Tengri ethno music band» قاتىساتىن كونسەرتتىك باعدارلاما ۇيىمداستىرىلادى.
سونداي-اق، ءىس-شارا باعدارلاماسىندا:
- ىقىلاس اتىنداعى حالىق مۋزىكالىق اسپاپتار مۋزەيىندە جانە مۋلتيمەديالىق ءداستۋرلى مۋزىكا ورتالىعىندا ق ر ءداستۋرلى انشىلەرى مۇرات ءابۋعازى، نۇرجان جانپەيىسوۆ، رامازان ستامعازييەۆ، «Steppe Sons» مودەرن ەتنو-دجاز توبى، ت.ب. قاتىسۋىمەن كونسەرتتىك باعدارلاما وتەدى. مۋزەيدىڭ ەكسپوزيسيالىق زالدارىندا كەلۋشىلەردى قوركىت، قۇرمانعازى، اقان سەرى، ت.ب. كەيىپكەرلەر كۇتەدى.
- د.ا. قونايەۆ مۋزەيىندە، ا. بايتۋرسىن ۇلى مۋزەي-ۇيىندە، ن. تىلەندييەۆتىڭ مەموريالدى مۋزەيىندە، س. مۇقانوۆ پەن F. مۇسىرەپوۆتىڭ ادەبي-مەموريالدى مۋزەي كەشەنىندە كونسەرتتىك باعدارلاما، دەرەكتى فيلمدەر كورسەتىلىمى وتكىزىلەدى.
سونداي-اق، سپيكەر اتاپ وتكەندەي قالا مۋزەيلەرىندە تاكىرىپتىق ەكسكۋرسيالار، ينتەللەكتۋالدىق كۆەست-ويىندار، شەبەرلىك ساعاتتارى ۇيىمداستىرىلادى.
ايتا كەتەيىك، بۇل اكسيا 2006 جىلى العاش رەت ق ر ورتالىق مەملەكەتتىك مۋزەيىندە وتكىزىلدى.
«وسىدان تۋرا 18 جىل بۇرىن وتاندىق مۋزەي كەڭىستىگىندە العاش رەت ەرەكشە ءىرى وقيعا ورىن الدى - قازاقستان رەسپۋبليكاسىنىڭ مەملەكەتتىك ورتالىق مۋزەيى "حالىقارالىق مۋزەيلەر كۋنى" كاسىبي مەرەكەسىنە ارنالعان "مۋزەي ءتۋنى" الەۋمەتتىك ماڭىزى بار اكسياسىن وتكىزدى»،- ءوز كەزەگىندە مۋزەي ديرەكتورىنىڭ عىلىمي جۇمىستار جونىندەگى ورىنباسارى عاليا تەمىرتون ايتتى.
ورتالىق مۋزەيدە ءىس-شارانىڭ سالتاناتتى اشىلۋى ز. التىنبايەۆا، بۇركىت جانە ايشا، "Tengri" توبى جانە ت. ب. اتاقتى جۇلدىزداردىڭ قاتىسۋىمەن وتەدى.
بۇل كۇنى مۋزەيگە كەلۋشىلەر "ءححى عاسىردىڭ كوشباسشىلارى مەن تانىمال تۇلعالارى. بىرلەسكەن شىعارماشىلىق" كورمەسىنىڭ رەسمي اشىلۋىنا قاتىسا الادى، وندا بەلگىلى مادەنيەت جانە ونەر قايراتكەرلەرىمەن بىرگە كاسىبي سۋرەتشىلەردىڭ شىعارماشىلىعى كورسەتىلەدى.
مۋزەي باعدارلاماسىندا بۇل كۇنى كەلۋشىلەر كەلەسى كورمەلەردى كورە الادى:
- مۋزەي قورىنان ۇسىنىلعان "ەر جىگىتتىڭ بەس قارۋى بويىندا" قارۋ-جاراق كورمەسىنىڭ اشىلۋى.
- قازاقستان سۋرەتشىلەر پلەنەرى قاتىسۋشىلارىنىڭ "ۇلتتىق مۇرا – ۇرپاققا امانات "اتتى جۇمىستارىنىڭ تۇساۋكەسەرى.
- سۋرەتشى، ديزاينەر ايجان ءابدۋبايتوۆانىڭ "زەرلەۋ" توپتاماسىنىڭ ەتنوكورسەتىلىمى جانە ت. ب.
بۇل كۇنى مۇراجاي باعدارلاماسىندا ينتەراكتيۆتى ءبىلىم بەرۋ باعدارلامالارى، تەاترلاندىرىلعان ساباقتار جانە بالالارعا ارنالعان ەكسكۋرسيالار تۇرىندەگى كوپتەگەن اكسيالار مەن ءىس-شارالار بار. ولاردىڭ ىشىندە:
- "ارحەولوگ ومىرىنەن ءبىر كۇن"- ينستاللياسيا-كۆەست.
- "ءۇش تاقىرىپ - ءۇش تاريح"، "ءۇش ءدىننىڭ ەرەكشە تاريحي مۇرالارى: تورا، بيبليا، قۇران"- مۋزەيلىك ساباق/كورمە.
- "جەتى قازىنا"، "قازاقتىڭ اشەكەي بۇيىمدارى"، "ۇلى جىبەك جولى"- بالالار كوۆوركينگ ورتالىعىنداعى شىعارماشىلىق مۋزەيلىك ساعاتتارى.
- "ۇشاتىن كەمە" قويىلىمى جانە ت. ب.
الماتىلىقتار مەن قالا قوناقتارىنا كوپتەگەن باسقا كورمەلەر، شەبەرلىك ساباقتارى مەن اتاقتى جۇلدىزداردىڭ قاتىسۋىمەن وتەتىن سالتاناتتى باعدارلامالار ۇسىنىلادى.