2،6 ميلليوننان استام قۇقىق بۇزۋشىلىقتىڭ جولى كەسىلدى.
الماتى پوليسياسى وسى جىلدىڭ سەگىز ايىنىڭ قورىتىندىسى بويىنشا قالاداعى بەينەباقىلاۋ جۇيەسىن قولدانۋدىڭ تيىمدىلىگىن قورىتىندىلاي كەلە، وسىنداي دەرەكتەردى كەلتىرىپ وتىر، دەپ حابارلايدى aqshamnews.kz Polisia.kz-كە سىلتەمە جاساپ.
بۇگىنگى تاڭدا الماتىدا قالالىق بەينەباقىلاۋ جۇيەسىن ناقتى ۋاقىت رەجيمىندە باسقارۋعا، بولىپ جاتقان وقيعالارعا جەدەل جاۋاپ بەرۋگە، سونداي-اق ادامدى تانۋ فۋنكسيالارىن پايدالانۋعا مۇمكىندىك بەرەتىن ءبىرىڭعاي بەينەباقىلاۋ پلاتفورماسى جۇمىس ىستەيدى. جالپى العاندا، جۇيە جول قوزعالىسىن باسقارادى جانە قاۋىپسىزدىك بەينەاناليتيكاسىنىڭ فۋنكسيالارىن ورىندايدى. كورسەتىلگەن بەينەباقىلاۋ پلاتفورماسىنا 45976 بەينەباقىلاۋ كامەراسى ورناتىلدى. پد-نىڭ ايتۋىنشا، بەينەباقىلاۋ جۇيەسى، تۇتاستاي العاندا، قىلمىسكەرلەردىڭ ۇستالۋ ءقاۋپى تۋرالى تۇسىنىگىن ارتتىرۋ ارقىلى قىلمىس دەڭگەيىن تومەندەتەدى. بەينەباقىلاۋ كامەرالارىنان الىنعان اقپارات قىلمىستار مەن قۇقىق بۇزۋشىلىقتاردىڭ الدىن الۋ، انىقتاۋ جانە تەرگەۋ ءۇشىن پايدالانىلادى.
– جۇيەنىڭ ەنگىزىلۋىمەن قالاداعى قىلمىستىق احۋال جاقساردى. بەينەباقىلاۋ جۇيەسى قالانى ءقاۋىپسىز ءارى ازاماتتاردىڭ تۇرۋىنا قولايلى ەتەدى، – دەدى، الماتى پوليسەيلەرى.