عالىمجان ەسەنوۆ Jusan Bankء-تىڭ ءىرى اكسيونەرى جانە قازاقستانداعى ەڭ باي بيزنەسمەندەردىڭ ءبىرى، ۇيالى بايلانىس وپەراتورى «كسەلل» اق اكسيالار پاكەتىنىڭ ءبىر بولىگىن ءوزىنىڭ جەكە كومپانياسىنا ساتقان، دەپ حابارلايدى aqshamnews.kz.
12 قىركۇيەكتە KASE سايتىندا جاريالانعان اقپاراتقا سايكەس، ءۇش كۇن بۇرىن «كسەلل» ۇيالى بايلانىس وپەراتورىنىڭ اكسيونەرلەر قۇرامىندا وزگەرىستەر بولعان. اكسيالار پاكەتىن عالىمجان ەسەنوۆ ساتقان، ال ولاردى KC Holding Ltd جەكە كومپانياسى ساتىپ العان. بۇل مامىلە ەسەنوۆ توبىنىڭ كومپانيالارى اراسىنداعى اكسيالاردى ءتيىمدى ءبولۋ قۇرىلىمىن وڭتايلاندىرۋ ماقساتىندا جۇزەگە اسىرىلعان. سوندىقتان اقىرعى بەنەفيسيار وزگەرىسسىز قالدى.
«قازىرگى ۋاقىتتا «كسەلل» اق اكسيونەرلەرى، كومپانيانىڭ ون پايىز جانە ودان جوعارى داۋىس بەرەتىن اكسيالارىنا يە: 51%-ى «قازاقتەلەكوم» اق-قا، ال 14،87%-ى جەكە كومپانيا KC Holding Ltd-كە تيەسىلى. بۇل وزگەرىستەر كومپانيانىڭ وپەراسيالىق قىزمەتىنە اسەر ەتپەيدى»، — دەلىنگەن KASE حابارلاماسىندا.
KC Holding Ltd كومپانياسى عالىمجان ەسەنوۆكە تيەسىلى، سوندىقتان ءىس جۇزىندە بيزنەسمەن اكسيالاردى وزىنە-وزى ساتقان بولىپ شىعادى.