كەرەي-جانىبەك حاندار كوشەسىندەگى كولىك قوزعالىسى جوندەۋ جۇمىستارىنا بايلانىستى ۋاقىتشا شەكتەلەدى.
13 جانە 14 قىركۇيەكتە ساعات 23:00-دەن 6:00-گە دەيىن «ەكوبەكەت» ايالداماسىنان بەيسەۋوۆ كوشەسىنە دەيىنگى اۋماقتا كولىك قوزعالىسى جابىلادى. جەدەل مەديسينالىق جاردەم كولىكتەرى مەن باسقا دا شۇعىل قىزمەتتەر جوندەۋ جۇمىستارى كەزىندە كەز كەلگەن شەكتەۋدەن ەمىن-ەركىن كەدەرگىسىز جۇرە الادى، دەپ حابارلايدى aqshamnews.kz
ايتا كەتۋ كەرەك، ۇزىندىعى 2 كم ۋچاسكە – جوندەۋگە جوسپارلانعان 6 كم كوشەنىڭ سوڭعى بولىگى.
جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» سەرۆيستەرىندە جازىلعان.