الماتى وبلىسىنىڭ پوليسەيلەرى تەرروريزمگە وسال 1200-دەن استام نىسانداردىڭ لاڭكەستىككە قارسى قاۋىپسىزدىك جاعدايىن باقىلاۋدى قامتاماسىز ەتۋ بويىنشا تۇراقتى جۇمىس جۇرگىزىپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
«وبلىستىق ەكسترەميزمگە قارسى ءىس-قيمىل دەپارتامەنتىنىڭ قىزمەتكەرلەرى قاۋىپسىزدىك قىزمەتىن باقىلاۋ بولىمدەرىمەن بىرلەسىپ، تەرروريزمگە وسال نىسانداردىڭ باسشىلارىمەن تۇراقتى تۇردە كەزدەسۋلەر وتكىزىپ تۇرادى. ءتۇسىندىرۋ جۇمىستارى بارىسىندا لاڭكەستىككە قارسى قورعاۋ تالاپتارى، لاڭكەستىك اكتىسى ورىن العان كەزدەگى العاشقى ءىس-قيمىلدار، تەرروريزمگە قارسى قورعانىس پاسپورتتارىن ازىرلەۋ بويىنشا ۇسىنىستار جانە باسقا دا ماسەلەلەر تۋرالى اقپاراتتاندىرىلادى»، – دەدى الماتى وبلىسى پد ەقىقب باستىعىنىڭ م.ا. ۇلان بايتاقوۆ.
بيىل لاڭكەستىككە قارسى قورعانىس بويىنشا 182 نىسان تەكسەرىلدى. تەكسەرۋ ناتيجەسىندە 43 نىساننىڭ لاڭكەستىككە قارسى زاڭناما تالاپتارىنا سايكەس كەلمەيتىنى انىقتالىپ، مەنشىك يەلەرى مەن باسشىلارىنا انىقتالعان بۇزۋشىلىقتاردى جويۋ تۋرالى ۇيعارىم شىعارىلدى.
«سونىمەن قاتار وسىنداي وبەكتىلەردىڭ مەنشىك يەلەرىمەن، باسشىلارىمەن جانە قىزمەتكەرلەرىمەن سەمينارلار وتكىزىلىپ، وندا تەرروريزمگە قارسى ءىس-قيمىل سالاسىنداعى زاڭناما، تەرروريستىك اكتىنى جاساۋ ءقاۋپى تونگەن كەزدەگى ءىس-قيمىل الگوريتمى، ولارعا قويىلاتىن تالاپتار تۇسىندىرىلەدى، وبەكتىلەردى زاماناۋي قاۋىپسىزدىك جۇيەلەرىمەن، ونىڭ ىشىندە بەينەباقىلاۋ جۇيەلەرىمەن، ەسكەرتۋ جۇيەلەرىمەن، دابىلمەن جانە ت.ب. جابدىقتاۋ بويىنشا تەكسەرىلەدى. ەرەكشە نازار تەرروريزم اكتىسى تۋرالى جالعان حابار بەرگەنى ءۇشىن قاراستىرىلعىن قىلمىستىق جازاعا اۋدارىلادى»، – دەپ اتاپ ءوتتى ۇ. بايتاقوۆ.
وسى نىسانداردىڭ باسشىلارى مەن قىزمەتكەرلەرى ءۇشىن تەرروريزمگە قارسى قورعاۋدى قامتاماسىز ەتۋ ءۇشىن ىشكى ىستەر مينيسترلىگىمەن تەرروريستىك اكت نەمەسە وزگە دە قۇقىققا قايشى ارەكەتتەر جاساۋ ءقاۋپى تونگەن كەزدە نۇسقاۋلىقتار ازىرلەنىپ، جولداندى. نۇسقاۋلار ۇلتتىق قاۋىپسىزدىك كوميتەتى مەن ىشكى ىستەر مينيسترلىگىنىڭ رەسمي سايتتارىندا ورنالاستىرىلعان.