"وتاۋ" تۇرعىن ءۇي باعدارلاماسىنا ءوتىنىم بەرۋ مەرزىمى اياقتالدى

قازاقستاندا "وتاۋ" باعدارلاماسى بويىنشا وتىنىمدەردى قابىلداۋ اياقتالدى.

"وتاۋ" تۇرعىن ءۇي باعدارلاماسى بويىنشا 1 ناۋرىزدان 30 ساۋىرگە دەيىن سوزىلعان ءوتىنىم قابىلداۋ مەرزىمى اياقتالىپ، بۇل مەرزىمدە 25 038 مىڭ ءوتىنىم قابىلدانعان، دەپ حابارلايدى اlmaty-akshamy.kz "وتباسى بانكىنە" سىلتەمە جاساپ. 

ءوتىنىم بەرگەندەردىڭ باسىم بولىگى – 35 جاسقا دەيىنگى جاستار: 

16 747 ادام (67%) – 35 جاسقا دەيىنگى ازاماتتار؛ 
8291 ادام (33%) – 35 جاستان اسقاندار.  

ەندى 15 مامىرعا دەيىن وتىنىمدەر سارالانىپ، ولارعا ۇپايلار بەرىلەدى. 

قاتىسۋشىلاردى ىرىكتەۋ بالدىق جۇيە بويىنشا جۇرگىزىلەدى: 

سالىم بويىنشا سىياقى مولشەرىنىڭ كولەمى – ءاربىر 1 000 تەڭگە ءۇشىن 5 بالل؛

دەپوزيت مەرزىمى – ءاربىر جىل ءۇشىن 5 بالل (كليەنت باعدارلاماعا بىرنەشە دەپوزيتپەن قاتىسقان جاعدايدا، جيناقتاۋ مەرزىمى ۇزاعىراق دەپوزيت ەسكەرىلەدى)؛

تىركەلگەن نەكەنىڭ بولۋى – نەكەدە تۇرۋ جىلدارىنا قاراماستان 10 بالل؛

بالالاردىڭ بولۋى (18 جاسقا دەيىنگى) – بالالاردىڭ سانىنا قاراماستان 50 بالل.

ىرىكتەۋدەن وتكەن كليەنتتەردىڭ ءتىزىمى "وتباسى بانكىنىڭ" سايتىندا جاريالانادى. 
ەسكە سالايىق، نەسيەنىڭ ەڭ جوعارى سوماسى الماتى مەن استانادا 30 ميلليون تەڭگەنى، باسقا ايماقتاردا 18 ميلليون تەڭگەنى قۇرايدى. الماتى، استانا، شىمكەنت جانە وبلىس ورتالىقتارىندا تەك باستاپقى تۇرعىن ءۇيدى، ونىڭ ىشىندە قتك كەپىلدىگىمەن ۇلەستىك قاتىسۋ شارتى بويىنشا ساتىپ الۋعا بولادى. قالعان ەلدى مەكەندەردىڭ بارلىعىندا كەز كەلگەن باسپانا ءتۇرىن ساتىپ الۋعا بولادى.