وقۋشىلار مەن ۇستازدار ەۆاكۋاسيالاندى
الماتىدا ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ جانىنداعى كوللەدجىنە ءبىر اپتادا ءۇشىنشى رەت جارىلعىش زات قويىلعانى تۋرالى حابارلاما ءتۇستى، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتى ءمالىم ەتكەندەي، قالانىڭ جەدەل جانە توتەنشە جاعدايلار قىزمەتتەرى العاشقى دەن قويۋ شارالارى اياسىندا ءبىلىم مەكەمەسىنە تەكسەرۋ جۇرگىزدى. وقۋشىلار مەن ۇستازدار ەۆاكۋاسيالاندى.
«بەلگىلى بولعانداي، كوللەدج عيماراتىن تەكسەرۋ كەزىندە جارىلىس قۇرىلعىلارى تابىلعان جوق. ءبىلىم مەكەمەسى شتاتتىق رەجيمدە جۇمىس ىستەپ تۇر»،- دەيدى قالالىق پوليسيا دەپارتامەنتىنىڭ رەسمي وكىلى سالتانات ازىربەك.
ايتۋىنشا، ءقازىر پوليسيا ءبىلىم مەكەمەسىنە جارىلعىش زات قويىلعانى تۋرالى جالعان اقپارات تاراتقان ادامدى انىقتاپ جاتىر. ول قىلمىستىق جاۋاپقا تارتىلادى.