2020 جىل ءۇشىن جەكە تۇلعالاردىڭ مۇلىك سالىعىن تولەۋ مەرزىمى 2021 جىلدىڭ 1 قازانىندا اياقتالدى
قازىرگى ۋاقىتتا مەملەكەتتىك كىرىستەر ورگانى بانكتەردىڭ ءموبيلدى قوسىمشاسى ارقىلى مەرزىمىندە مۇلىك سالىعىن تولەمەگەن جەكە تۇلعالارعا push-حابارلاما جىبەرۋ جوسپارلاۋدا. 2021 جىلعى 1 قازانعا دەيىن مۇلىك سالىعىن تولەمەگەن ازاماتتارعا سالىق بەرەشەگى تۋرالى حابارلاما جىبەرىلدى، دەپ حابارلايدى Almaty-akshamy.kz
حابارلاما ورىندالماعان جانە بەرەشەك وتەلمەگەن جاعدايدا، مەملەكەتتىك كىرىس ورگاندارىمەن بەرەشەكتى ءوندىرىپ الۋ تۋرالى سالىقتىق بۇيرىقتاردى قالىپتاستىرىپ، اتالعان بۇيرىقتار ماجبۇرلەپ ورىنداتۋ ءۇشىن جەكە سوت ورىنداۋشىلارىنىڭ وڭىرلىك پالاتالارىنا جىبەرىلەتىن بولادى.
«وسىعان بايلانىستى، 2020 جىلعا مۇلىك سالىعىن تولەمەگەن ازاماتتاردان سالىقتىق بەرەشەكتەردى وتەۋدى سۇرايمىز. جەكە تۇلعالار سالىقتى «e-Salyg Azamat» جانە ەكىنشى دەڭگەيدەگى بانكتىڭ موبيلدىك قوسىمشالارى ارقىلى، ەلەكتروندىق ۇكىمەت پورتالى ارقىلى، ەكىنشى دەڭگەيدەگى بانكتەردىڭ بولىمشەلەرىندەگى تولەم تەرمينالدارىنداعى قولما-قول اقشا قاراجاتىمەن، بانكوماتتار مەن تولەم تەرمينالدارىنداعى بانك كارتالارىنىڭ كومەگىمەن تولەي الادى»،- دەپ حابارلايدى كوميتەت.
كوميتەت مالىمەتىنە سۇيەنسەك، قازىرگى تاڭدا 1 ملن-نان استام ازامات مۇلىك سالىعىن تولەمەي ءجۇر. ولاردىڭ جالپى قارىزى 3،4 ملرد تەڭگە.