ەلىمىزدە مۇگەدەك جاندارعا جاعداي جاساپ، قوزعالىس قاۋىپسىزدىگىن قامتۋ ماسەلەسى كۇن تارتىبىنە قايتا ەنگىزىلدى. بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«ەلىمىزدەگى پاندۋس ماسەلەسىن شەشە الامىز. ارينە، وزەكتى ماسەلە. 2015-2018 جىلدار ارالىعىندا قوعامدا مۇگەدەك جانداردىڭ ءقاۋىپسىز قوزعالىسىن قامتاماسىز ەتۋگە قاتىستى اۋقىمدى شارا وتكىزدىك. ول شارۋاعا مۇگەدەك جاندار دا تارتىلدى. اتالعان شارا اياسىندا 30 مىڭعا جۋىق مەكەمەنىڭ ماسەلەسى شەشىلدى. ولاردىڭ دەنى الەۋمەتتىك مەكەمەلەر، ياعني دۇكەن، ءدارىحانا، جۇمىسپەن قامتۋ ورتالىعى جانە تاعى باسقا. پاندەمياعا بايلانىستى سوڭعى 2 جىل بويى اتالعان ماسەلە بويىنشا باقىلاۋ باسەڭدەپ كەتتى. جۋىردا اتىراۋ، تاراز قالاسىندا بولىپ، قوعامدىق ۇيىمداردىڭ وكىلدەرىمەن كەزدەسىپ، مۇگەدەكتەرگە جاعداي جاساۋ ماسەلەسىن كوتەردىك. قوعام بەلسەندىلەرى ءبىراز جايتتى كوتەرىپ، ۇسىنىستارىن ايتتى»، - دەدى تامارا دۇيسەنوۆا «Qazaqstan» ۇلتتىق تەلەارناسىندا بولعان «جەدەل جەلى» باعدارلاماسىنىڭ ەفيرىندە.
ءمينيستردىڭ ايتۋىنشا، بيىلدان باستاپ قوعامدا مۇگەدەك جاندارعا جاعداي جاساۋ ماسەلەسى قايتا قولعا الىنادى.
«بىزدە ارنايى جول كارتاسى بار. سوعان سايكەس بيىل جوسپار بويىنشا 8800 نىساندا مۇگەدەك جانداردىڭ قوزعالىسىنا جاعداي جاسالۋى ءتيىس. سونىمەن قاتار بۇل شارۋاعا جەرگىلىكتى اكىمدىكتەر جانە جەكە مەكەلەردىڭ دە جاۋاپكەرشىلىگى بار»، - دەيدى ول.