الماتىدا ەكى كولىك بىردەي نومىرمەن جۇرگەن، دەپ حابارلايدى Almaty-akshamy.kz Almaty.tv-گە سىلتەمە جاساپ.
ەگىز كولىكتەر مامانداندىرىلعان ايىپپۇل تۇراعىندا «كەزدەستى»، ولاردى پوليسيا قىزمەتكەرلەرى جالعان مەملەكەتتىك نومىرلەر مەن تىركەۋ كۋالىكتەرىن انىقتاعاننان كەيىن وسىندا جەتكىزدى.
«ءبىزدىڭ دەرەكتەرگە سايكەس، شىنايى Nissan قازىرگى ۋاقىتتا رەسەي فەدەراسياسىنىڭ اۋماعىندا ورنالاسقان جانە بەلگىلى بولعانداي، ونىڭ يەسى ءوز كولىگىنىڭ ەكى كوشىرمەسى كورشى ەلدە “ءومىر ءسۇرىپ جاتقانىن” بىلمەگەن. اتالعان دەرەك بويىنشا سوتقا دەيىنگى تەرگەۋ امالدارى باستالدى. قۇجاتتى قولدان جاساپ، جالعان مەملەكەتتىك ءنومىر جاساۋ تەتىگى انىقتالاتىن بولادى. زاڭدى بۇزعاندار، سونىڭ ىشىندە ەگىز كولىك يەلەرى زاڭ بويىنشا جاۋاپ بەرەدى. كولىك قۇرالدارى تاركىلەندى»، — دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.