ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ەلىمىزدە ايەلدەردىڭ زەينەت جاسىن تومەندەتۋ ماسەلەسىنىڭ قارالىپ جاتقانىن ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«زەينەتكە شىعۋ جاسىن قىسقارتۋ بويىنشا مەن بۇعان دەيىن دە بىرنەشە رەت سۇحبات بەردىم. 58 جاسقا ءتۇسىرۋدى تالاپ ەتىپ جاتقان قوعام بەلسەندىلەرىمەن كەزدەستىم. قازىرگى قولدانىستاعى زاڭ بويىنشا ايەلدەر زەينەتاقى جارناسى بولسا 52،5 جاستان، ال ەگەر 5 بالاسى بولسا 53 جاسىنان زەينەتكە شىعۋى مۇمكىن»، - دەدى تامارا دۇيسەنوۆا «Qazaqstan» ۇلتتىق تەلەارناسىندا بولعان «جەدەل جەلى» باعدارلاماسىنىڭ ەفيرىندە.
سونداي-اق، مينيستر زەينەتكە ەرتە شىعۋدى تالاپ ەتۋشىلەرگە جاعدايدى تاعى دا ءتۇسىندىردى.
«ەگەر 58 جاستان زەينەتكە شىعامىن دەۋشىلەر بولسا، بىلەسىزدەر، قازىرگى تاڭدا ىنتىماقتاستىرىلعان جۇيەدەن تولەنەتىن زەينەتاقى كولەمى ازايىپ كەلەدى. سەبەبى ەڭبەك ءوتىلىڭىز از. ەگەر ەش جەردە جۇمىس ىستەمەگەن ازامات بولسا، ونىڭ زەينەتاقىسى 24 مىڭ تەڭگە بولادى. سوندىقتان ءقازىر بۇل ماسەلەنى قاراستىرىپ جاتىرمىز. ياعني ايەلدەردىڭ زەينەتكە شىعۋ جاسىن تومەندەتىپ، ەڭ از زەينەتاقى العانىمىز ءجون بە؟ الدە ونىڭ كولەمىن ارتتىرۋ ماڭىزدى ما؟»، - دەيدى ۆەدومستۆو باسشىسى.