الماتىنىڭ تامىز سامميتىنە 2500-دەن استام ءبىلىم بەرۋ سالاسىنىڭ قىزمەتكەرلەرى قاتىستى
الماتىدا جاڭا وقۋ جىلىنىڭ باستالۋىنا ورايلاستىرىلعان «Digital Kazakhstan: جاڭا زامانداعى ءبىلىم بەرۋ» اتتى پەداگوگتەردىڭ تامىز ءسامميتى ءوتتى، دەپ حابارلايدى aqshamnews.kz
سامميتكە 2500-دەن استام ءبىلىم بەرۋ قىزمەتكەرلەرى، قازاقستاندىق جانە حالىقارالىق ساراپشىلار، ونىڭ ىشىندە قازاقستان پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ ءتوراعاسى اسحات ايماعامبەتوۆ، قازاقستان پارلامەنتى سەناتىنىڭ دەپۋتاتى نۇريا نيازوۆا قاتىستى. ءىس-شاراعا ءال-فارابي اتىنداعى قازۇۋ رەكتورى جانسەيىت تۇيمەبايەۆ، قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورى گۇلميرا قاناي، ءبىلىم مينيسترلىگى ءبىلىم سالاسىنداعى ساپانى قامتاماسىز ەتۋ كوميتەتى ءتوراعاسىنىڭ ورىنباسارى مايرا مەلدەبەكوۆا، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ءبىرىنشى پرورەكتورى بانۋ ناربەكوۆا قاتىستى. ەلىمىزدە تانىمال ۇستاز، قازاقستاننىڭ ەڭبەك سىڭىرگەن قايراتكەرى، «قازاقستاننىڭ ەڭبەك ەرى»، «وتان» وردەنىءنىڭ يەگەرى اياگۇل ميرازوۆا ارنايى قوناق بولدى.
الماتى اكىمى ەربولات دوسايەۆ سامميتكە قاتىسۋشىلار مەن قوناقتارعا امانداسىپ، پەداگوگتاردى كەلە جاتقان جاڭا وقۋ جىلىمەن قۇتتىقتادى.
«بيىلعى سامميت باعدارلاماسى زاماناۋي سيفرلىق قۇرالدار مەن جاساندى ينتەللەكتتى ءبىلىم بەرۋ ۇدەرىسىنە بىرىكتىرۋگە باعىتتالعان. بۇل ينتەگراسيا ءبىلىم الۋ مەن وقۋ ساپاسىن جاقسارتۋعا جاڭا جول اشادى. الماتىدا ءبىرقاتار جوبا جۇزەگە اسىرىلىپ جاتىر، وندا سيفرلىق شەشىمدەر ءبىزدىڭ بالالارىمىز ءۇشىن ءبىلىم بەرۋ ساپاسىن ارتتىرادى، وزگەرتەدى. مىسالى، Kitap.kz، TopIQ.kz، «AlmatyKids.kz» پيلوتتىق رەجيمدە جاڭا جوبالار ءساتتى جۇزەگە اسىپ، جاساندى ينتەللەكت نەگىزىندە ۆيرتۋالدى رەپەتيتوردى ەنگىزۋ كوزدەلگەن. ءبىز قالا مەكتەپتەرىنىڭ ينفراقۇرىلىمىن جاڭعىرتۋعا جانە دامىتۋعا كوپ كوڭىل بولەمىز. بيىل ولار ءۇشىن تاجىريبەلىك جانە تەوريالىق ەسەپتەردى شىعارۋ ءۇشىن ينتەراكتيۆتى مازمۇنى بار 168 جاڭا موديفيكاسيا كابينەتى ساتىپ الىندى. بۇل مەكتەپتەردى 85% زاماناۋي پاندىك كابينەتتەرمەن جابدىقتاۋعا قول جەتكىزۋگە مۇمكىندىك بەردى»، - دەدى قالا باسشىسى.
سامميت بارىسىندا پلەنارلىق وتىرىس ءوتىپ، پەداگوگتەردىڭ بىلىكتىلىگىن ارتتىرۋ، ءبىلىم بەرۋ ۇدەرىسىنە يننوۆاسيالاردى ەنگىزۋ ماسەلەسى تالقىلانىپ، ءبىلىم بەرۋ سالاسىن دامىتۋدىڭ جاڭا ۆەكتورلارى ايقىندالدى. وتىرىسقا ءبىلىم بەرۋ سالاسىنداعى سيفرلىق تەحنولوگيالار سالاسىنداعى جەتەكشى ساراپشىلار قاتىستى. اتاپ ايتسقا، Times Publishing Limited Mr Peng Yim Siew (سينگاپۋر) باس اتقارۋشى ديرەكتورى، Bilim Media Group كومپانياسىنىڭ نەگىزىن قالاۋشى ءارى باس ديرەكتورى راۋان كەنجەحان ۇلى، nFactorialGroup نەگىزىن قالاۋشى جانە باس ديرەكتورى ارمان سۇلەيمەنوۆ، تەماسەك Mr پوليتەحنيكالىق ينستيتۋتىنىڭ باس ديرەكتورى AW Tuan Kee (سينگاپۋر)، Business growth ساراپشى، Techwoman باعدارلاماسىنىڭ جەتەكشىسى، Most Business Intelligence باس ديرەكتورى ەلميرا وبري، «A’lem» پەداگوگيكالىق يننوۆاسيالار ورتالىعىنىڭ» باس ديرەكتورى ءورىسباي نۇرسۇلتان بار. سپيكەرلەر ءبىلىم بەرۋ سالاسىنداعى تاجىريبەلەرمەن جانە يننوۆاسيالارمەن ءبولىستى.
سونداي-اق تامىز سامميتىندە ءبىلىم بەرۋدى سيفرلاندىرۋ جانە سيفرلىق يننوۆاسيا سالاسىنداعى مەملەكەتتىك ساياسات ماسەلەسى، بالالار مەن پەداگوگتاردىڭ كيبەرقاۋىپسىزدىگى ماسەلەسى، ونىڭ ىشىندە ەتيكالىق اسپەكتىلەر تالقىلاندى.
ءىس-شارا سوڭىندا قالا پەداگوگتەرىنە ءبىلىم بەرۋدى دامىتۋعا قوسقان ۇلەسى ءۇشىن ماراپاتتار تابىستالدى.
«الماتىدا مۇعالىمدەر ءۇشىن بىرەگەي جاعداي جاسالىپ جاتىر، الەمنىڭ جەتەكشى ەلدەرىنە تاعىلىمدامالار ۇيىمداستىرىلىپ وتىر، بيىل 70 الماتىلىق پەداگوگ سينگاپۋرعا بارادى. ءقازىر مەكتەپتەردىڭ قۇرال-جابدىعى جاقسى. قالا باسشىلىعىنىڭ ءبىزدىڭ ماماندىققا نازار اۋدارۋى ۇلكەن مارتەبە. مەن ءۇشىن بۇل ماراپات – ەڭبەگىمدى مويىنداۋ جانە وقۋشىلار مەن اتا-انالار ريزا بولۋى ءۇشىن وقۋ ۇدەرىسىن جەتىلدىرۋگە دەگەن تالپىنىس»، - دەدى «ى. التىنسارين» توسبەلگىسىمەن ماراپاتتالعان №106 جالپى ءبىلىم بەرەتىن مەكتەپتىڭ ينفورماتيكا ءپانىنىڭ ءمۇعالىمى نەلليا گوليكوۆا،
ايتا كەتەيىك، قالا اكىمى ەربولات دوسايەۆتىڭ باستاماسىمەن جاڭا وقۋ جىلىنىڭ باسىنان باستاپ الماتى قالاسىنىڭ مەملەكەتتىك مەكتەپتەرىنىڭ ءمۇعالىمى ءۇشىن جاساندى ينتەللەكت سالاسىندا ۆەب-ازىرلەۋشىلەردى دايارلاۋدىڭ 12 اپتالىق ارنايى باعدارلاماسىن ىسكە قوسۋ جوسپارلانعان. ءاربىر مەكتەپ كومانداسى گەنەراتيۆتى جاساندى ينتەللەكت مۇمكىندىكتەرىن پايدالانا وتىرىپ، ءوزىنىڭ ۆەب-قوسىمشاسىن جاساپ، ىسكە قوسادى. سونىمەن قاتار، سيفرلىق وقىتۋ مەن اقپاراتتىق تەحنولوگيالاردىڭ ماڭىزدى اسپەكتىلەرىن قامتيتىن ءىت پاندەرى بويىنشا 100 مەكتەپتىڭ مۇعالىمدەرىنە ارنالعان وقىتۋ باعدارلاماسى باستالادى.