الماتىدا قازاقستاندا اەس سالۋ ماسەلەسى بويىنشا 19-شى جاريا تالقىلاۋ ءوتتى. تالقىلاۋعا اتوم سالاسىنىڭ ساراپشىلارى، مەملەكەتتىك ورگانداردىڭ جانە ازاماتتىق سەكتوردىڭ وكىلدەرى قاتىستى.
اينۇر بەگىمبەتوۆا، ەنەرگەتيكا جانە جاسىل تەحنولوگيالار ينستيتۋتىنىڭ ديرەكتورى:
"مەن ءوز ءسوزىمدى، الەمنىڭ كليماتتانۋشىلارىنىڭ كليماتتىڭ وزگرەرۋىنە قاتىستى ايتقان تەندەنسيادان باستاعىم كەلەدى. قازاقستاننىڭ عالىمدارى سوڭعى 10 جىلدا ورتاشا جىلدىق تەمپەراتۋرا 2016 جىلمەن سالىستىرعاندا شامامەن 7% - عا ارتقانىن ايتۋدا. بۇل كليماتتىڭ تىم قىسقا مەرزىمدە، ءبىر ۇرپاقتىڭ كوز الدىندا وزگەرەتىنىن بىلدىرەدى. ءبىز ءقازىردىڭ وزىندە كليماتتىق كۇن تارتىبىندە بەلگىلەنگەن نورمالاردان اسىپ وتىرمىز.
تۇراقتى دامۋ ماقساتتارىنىڭ ءبىرى بولىپ تابىلاتىن وسى وزگەرىستەرمەن ءتيىمدى كۇرەسۋ ءۇشىن اتوم ەلەكتر ستانسيالارىن سالۋ قاجەت. اتوم گەنەراسياسى تومەن كومىرتەكتى ەنەرگيا كوزى ەكەندىگى ءقازىردىڭ وزىندە دالەلدەنگەن. اتوم ەنەرگەتيكاسىن دامىتۋ بىزگە تۇراقتى دامۋدىڭ بىرنەشە ماقساتتارىنا جەتۋگە كومەكتەسەدى. بىرىنشىدەن، بۇل تازا ەنەرگياعا قول جەتكىزۋگە مۇمكىندىك بەرەدى. ەكىنشىدەن، بۇل كليماتتىڭ وزگەرۋىنە قارسى كۇرەس»