الماتىدا اتوم ەلەكتر ستانسياسىنىڭ قۇرىلىسىن جاريا تالقىلاۋ ءوتتى. قازاقستاندا اەس سالۋ بويىنشا قوعامدىق تالقىلاۋ بارىسىندا ساياساتتانۋشى مارات شيبۋتوۆ اتوم ەلەكتر ستانسياسىن سالۋ تۋرالى شەشىمدى نەعۇرلىم ۇزاق كەشىكتىرسەك، سوعۇرلىم بۇل ءبىزدىڭ بولاشاعىمىزعا اسەر ەتەتىنىن اتاپ ءوتتى.
"مەن 2007-2008 جىلدارى اقتاۋدا WB300 رەاكتورلارىمەن ماڭعىستاۋ وبلىسىندا اەس جوباسىن العاشقىلاردىڭ ءبىرى بولىپ ۇسىنعانمىن. سوندىقتان مەن بۇل تاقىرىپپەن بۇرىننان تانىسپىن. ءبىز كوپشىلىكتىڭ قىسىمىمەن كوپتەگەن ءتۇرلى شەشىمدەر قابىلدادىق، الايدا قالىپتى ناتيجەنىڭ ورنىنا داعدارىستارعا تاپ بولدىق. مىسالى، 2018 جىلى سول كەزدەگى باس پروكۋروردىڭ باسشىلىعىمەن ەنەرگەتيكا سەكتورىنا اۋقىمدى تەكسەرۋ جۇرگىزىلىپ، "تاريف ينۆەستيسيا ورنىنا" باعدارلاماسى بۇزىلدى. وسىنىڭ سالدارىنان 2022 جانە 2023 جىلدارى قازاقستاندا الىپ ەنەرگەتيكالىق داعدارىسقا الىپ كەلدى. 2018 جىلى اتوم ەلەكتر ستانسياسىنا قارسى شىققاندار تاريفتەردى تومەندەتكەندەرىن ايتتى، ءبىراق ناتيجەسىندە ريددەر مەن ەكىباستۇز جابىلدى. مۇنداي پوپۋليستىك شەشىمدەر ۇلكەن پروبلەمالارعا اكەلەدى. اتوم ەلەكتر ستانسياسىن سالۋ تۋرالى شەشىمدى نەعۇرلىم ۇزاق كەشىكتىرسەك، سوعۇرلىم بۇل ءبىزدىڭ بولاشاعىمىزعا اسەر ەتەدى»، - دەدى مارات شيبۋتوۆ.