2024 جىلعى قاڭتاردا وتباسىنىڭ سيفرلىق كارتاسىنىڭ كومەگىمەن 499 ازامات SMS-كە كەلىسىم بەرۋ ارقىلى مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم الۋ قۇقىعىن پايدالاندى.
ونىڭ ىشىندە 493 ادام جۇمىسىنان ايىرىلۋى جانە ءبىر جارىم جاسقا دەيىنگى بالا كۇتىمى بويىنشا 6 ادام تولەم الدى.
وتباسىنىڭ سيفرلىق كارتاسى (بۇدان ءارى – وسك) ازاماتتاردىڭ الەۋمەتتىك مارتەبەسىنە بايلانىستى كەپىلدى مەملەكەتتىك قولداۋدىڭ قانداي دا ءبىر ءتۇرىن الۋعا قۇقىلى ەكەنىن جەتكىزىپ وتىراتىن «ەلەكتروندىق جارشى» قىزمەتىن اتقارادى.
قازىرگى ۋاقىتتا وسك الەۋمەتتىك ساقتاندىرۋ جۇيەسىنىڭ قاتىسۋشىلارى بولىپ تابىلاتىن قازاقستاندىقتارعا قانداي دا ءبىر وتىنىشتەرسىز ماسق-تەن الەۋمەتتىك تولەمدەردىڭ مىناداي 3 ءتۇرىن رەسىمدەۋگە مۇمكىندىك بەرەدى: ەڭبەككە قابىلەتتىلىگىنەن ايىرىلعان جاعدايدا، جۇمىسىنان ايىرىلعان جاعدايدا، اسىراۋشىسىنان ايىرىلعان جاعدايدا تولەنەتىن الەۋمەتتىك تولەمدەر.
مەملەكەتتىك قولداۋ شارالارىن الۋعا قۇقىق بەلگىلەنگەن كەزدە الەۋەتتى الۋشىعا 1414 ءبىرىڭعاي بايلانىس ورتالىعىنان SMS-حابارلاما جىبەرىلەدى. SMS العان ازامات وعان كەلىسىمى جونىندە جاۋاپ بەرۋى كەرەك. ءوتىنىشتى رەسىمدەۋ جانە الەۋمەتتىك تولەمدى تاعايىنداۋ كەيىن الۋشىنىڭ بانكتىك شوتىنا اقشا قاراجاتىن اۋدارا وتىرىپ، اۆتوماتتى رەجيمدە جۇرگىزىلەتىن بولادى.
تولەم الۋشىنىڭ ۇيالى تەلەفون ءنومىرى ءموبيلدى ازاماتتار بازاسىندا تىركەلگەن جاعدايدا، الەۋمەتتىك تولەمدەر تاعايىنداۋ بويىنشا قىزمەتتەردى پرواكتيۆتى فورماتتا كورسەتۋگە بولادى، ونى egov.kz پورتالى ارقىلى جاساۋعا بولادى.
2023 جىلى وسك كومەگىمەن 17 270 ازاماتقا ماسق-تەن الەۋمەتتىك تولەمدەر تاعايىندالدى.
جالپى، وتكەن جىلى شامامەن 1،3 ملن قازاقستاندىق ماسق-تەن 750،7 ملرد تەڭگە سوماسىنا الەۋمەتتىك تولەم الدى.