قازاقستان اۋماعىندا كارانتيندىك وبەكتىلەردى اكەلۋگە جانە تاراتۋعا قارسى كۇرەستىڭ نەگىزگى باعىتتارىنىڭ ءبىرى - اۋىل شارۋاشىلىعى داقىلدارىنىڭ ۆيرۋسولوگيالىق، باكتەريولوگيالىق جانە فيتوپاتولوگيالىق اۋرۋلارىن انىقتاۋ ءۇشىن ناقتى ۋاقىت رەجيمىندە پوليمەرازدى تىزبەكتى رەاكسيا ءادىسىن پايدالانا وتىرىپ، مولەكۋلالىق-بيولوگيالىق زەرتتەۋلەر ارقىلى جۇرگىزىلەتىن فيتوسانيتارلىق باقىلاۋ جانە مونيتورينگ جۇرگىزۋ.
پتر-جابدىقتاردى قولدانا وتىرىپ، كارانتيندىك جانە باسقا دا اسا ءقاۋىپتى وبەكتىلەردىڭ جاسىرىن زالالدانۋىن انىقتاۋ ءۇشىن باسقا مەملەكەتتەردەن يمپورتتالاتىن ەگىس جانە تۇقىم ماتەريالىنىڭ بىرەگەي ۇلگىلەرىن دياگنوستيكالاۋدى ورتالىق كارانتيندىك زەرتحانا، الماتى ايماقتىق كارانتيندىك زەرتحاناسى، اقتوبە ايماقتىق كارانتيندىك زەرتحاناسى، سارىاعاش قالاسىنىڭ شەكارا وتكەلىندەگى كارانتيندىك زەرتحانا، شىعىس قازاقستان ايماقتىق كارانتيندىك زەرتحاناسى، شىمكەنت قالاسىنىڭ كارانتيندىك زەرتحاناسى جۇرگىزەدى. بۇل تۋرالى almaty-akshamy.kz اۋىل شارۋاشىلىعى مينيسترلىگىنە سىلتەمە جاساي وتىرىپ حابارلايدى.
2024 جىلدىڭ باسىنان باستاپ ق ر اشم اوك ميك رەسپۋبليكالىق وسىمدىكتەر كارانتينى ورتالىعىنىڭ فيليالدارىمەن 36 كارانتيندىك وبەكت انىقتالدى.
ساراپشىلار پتر ءادىسى باكتەريالاردىڭ نەمەسە ۆيرۋستاردىڭ ءتىپتى بىرلىك جاسۋشالارىن انىقتاۋعا، باسقا ادىستەرمەن (ميكروسكوپيالىق، يممۋنولوگيالىق، ۆيزۋالدى، جۋۋ ادىسىمەن) مۇمكىن بولماعان جاعدايدا اۋرۋ قوزدىرعىشتارىنىڭ بولۋىن انىقتاۋعا مۇمكىندىك بەرەتىنىن اتاپ ءوتتى. پتر ءادىسى اسىرەسە كۋلتيۆاسيالاناتىن، كۋلتيۆاسيالانبايتىن جانە جاسىرىن تۇردە داميتىن ميكروورگانيزمدەردىڭ تۇرلەرىن دياگنوستيكادان وتكىزۋ ءۇشىن ءتيىمدى.
بۇگىنگى تاڭدا روكر بازاسىندا 8 پتر-امپليفيكاتور بار، ولاردىڭ كومەگىمەن باكتەريولوگيالىق، ۆيرۋسولوگيالىق جانە فيتوپاتولوگيالىق اۋرۋلاردىڭ پتر دياگنوستيكاسى بەلسەندى جۇرگىزىلەدى، 2025 جىلعا دەيىنگى كەزەڭدە قالعان كارانتيندىك زەرتحانالاردى جاراقتاندىرۋ ءۇشىن قوسىمشا پتر-امپليفيكاتورلاردى ساتىپ الۋ جوسپارلانۋدا.