وسىنداي اتاۋمەن الماتى قالاسىنىڭ اۋماعىندا 15-31 مامىر ارالىعىندا جەدەل الدىن الۋ ءىس-شاراسى وتكىزىلىپ جاتىر.
ناۋقان بالالاردىڭ جول-كولىك جاراقاتىنىڭ الدىن الۋعا، جۇرگىزۋشىلەردىڭ نازارىن جولداعى بالالارعا اۋدارۋعا، جاس جاياۋ جۇرگىنشىلەردى جولدا ءجۇرۋ ەرەجەلەرىن ساقتاۋعا ۇيرەتۋگە باعىتتالعان، دەپ حابارلايدى Almaty-akshamy.kz
«وسى ءىس-شارا اياسىندا ءبىزدىڭ بولىمشەنىڭ قىزمەتكەرلەرى قالانىڭ جالپى ءبىلىم بەرەتىن مەكتەپتەرىنىڭ وقۋشىلارى اراسىندا ساباق وتكىزىپ، بالالاردىڭ جول قوزعالىسى ەرەجەلەرىن ءبىلۋىن تەكسەردى. ينسپەكتورلار مەكتەپتىڭ كىشكەنتاي وقۋشىلارىنا جاياۋ جۇرگىنشىلەر وتكەلىندە جانە باعدارشام بولعان كەزدە جولدى قالاي كەسىپ ءوتۋ كەرەكتىگىن تاجىريبە جۇزىندە كورسەتتى، سونىمەن قاتار، قوعامدىق كولىكتە ءقاۋىپسىز ءجۇرىپ-تۇرۋ ەرەجەلەرىن ايتتى. بۇل جۇمىسقا جۇرگىزۋشىلەر تارتىلدى: ولارعا بالالار جول قوزعالىسى ەرەجەلەرىن ساقتاۋ قاجەتتىگى تۋرالى تاقىرىپتىق جادىنامالار بەردى»، – دەدى الماتى قالالىق پد جپقب مامانداندىرىلعان باتالونىنىڭ كومانديرى جانىبەك وسكەمبايەۆ.
پوليسەيلەر “نازار اۋدارىڭىز! بالالار!” ءجااىش ماقساتى – جولدارداعى قاۋىپسىزدىك، جولدا ءجۇرۋ ەرەجەلەرىن ساقتاۋ جانە بالالاردىڭ جول-كولىك جاراقاتىنىڭ الدىن الۋ ەكەندىگىن اتاپ ءوتتى.