جوعارى وقۋ ورىندارىنىڭ ليسەنزياسىن كەرى قايتارۋ جۇمىستارى جالعاسۋدا.
بىلتىر 15 جوو جابىلسا، بيىل 17 جوعارى وقۋ ورنى كەزەكتە تۇر، دەپ حابارلايدى اlmaty-akshamy.kz.
عىلىم جانە جوعارى ءبىلىم ءمينيسترى ساياسات نۇربەكتىڭ مالىمەتىنشە، وسىعان دەيىن ەلىمىزدە 30-عا جۋىق جوعارى وقۋ ورنىنىڭ ليسەنزياسى كەرى قايتارىلدى. اتالعان باعىتتاعى جۇمىس جالعاسادى.
«ساپاسىز ءبىلىم بەرەتىن جەكە جوعارى وقۋ ورىندارىنىڭ ليسەنزياسىن كەرى قايتارۋ جۇمىسىن جالعاستىرىپ جاتىرمىز. بۇل كەزىندە اسحات ايماعامبەتوۆ قولعا العان باستاما، جۇمىس جۇيەلى بولدى. وسىعان دەيىن 30-عا جۋىق ءالسىز، ساپاسىز، ديپلومدى بيزنەسكە اينالدىرعان جوعارى وقۋ ورىندارىنىڭ ليسەنزياسى كۇشىن جويدى. بىلتىر 15 جوو جابىلسا، بيىل 17 جوعارى وقۋ ورنى كەزەكتە تۇر. ياعني ولار ءبىزدىڭ تەكسەرۋىمىزدە»، - دەدى ساياسات نۇربەك.