23-26 ءساۋىر ارالىعىندا قار كوشكىنى ءجۇرۋ ءقاۋپى بار.
الماتى تاۋلارىندا قار كوشكىنى ءجۇرۋ ءقاۋپى بار، دەپ حابارلايدى اlmaty-akshamy.kz.
سينوپتيكتەردىڭ بولجاۋىنشا، 23-26 ءساۋىر ارالىعىندا قاردىڭ ەرۋى مەن قار جامىلعىسىنىڭ تۇراقسىز بولۋىنا وراي قار كوشكىنى ءجۇرۋ ءقاۋپى بار.
«كوسموستانسيا» اۆتوجولىنداعى ايۋساي بوگەتىنەن جوعارى جانە «شىمبۇلاق - تۇيىقسۋ مۇزدىعى»، «ەدەلۆەيس»، «بۋتاكوۆكا»، «قيماسار»، شاتقالدارىندا بلوكپوستار ورناتىلدى»، - دەپ حابارلادى الماتى قالالىق توتەنشە جاعدايلار دەپارتامەنتىنەن.
دەپارتامەنت مالىمەتىنشە، قار كوشكىنىنىڭ 20-دان استام پروفيلاكتيكالىق ءتۇسۋى جۇرگىزىلدى، جارۋ ادىسىمەن 50 مىڭ تەكشە مەتردەن استام قار ماسساسى تاۋ ەتەگىنە ءتۇستى.