ۇستالعان ادامدار ۋاقىتشا ۇستاۋ يزولياتورىنا قامالدى.
جەتىسۋ وبلىسىندا كاسىپكەردى قورقىتىپ، اقشا تالاپ ەتكەندەر ۇستالدى، دەپ حابارلايدى اlmaty-akshamy.kz Polisia.kz سايتىنا سىلتەمە جاساپ.
ونداعى مالىمەتتەرگە قاراعاندا، كۇدىكتىلەردى جەتىسۋ وبلىسى پوليسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ جەدەل قىزمەتكەرلەرى ارنايى جاساق جاۋىنگەرلەرىنىڭ كومەگىمەن جاركەنت قالاسىندا قولعا تۇسىرگەن. كۇدىكتىلەر جەرگىلىكتى كاسىپكەردەن 15 مىڭ جۇڭگو ءيۋانىن تالاپ ەتكەن.
– «ۇيىمداسقان توپ ءۇش ادامنان تۇرادى. بىرەۋى - الماتى قالاسىنىڭ تۇرعىنى، ەكىنشىسى - الماتى وبلىسىنان، ءۇشىنشىسى - جەتىسۋ وبلىسىنىڭ تۇرعىنى. جابىرلەنۋشى ولارعا اقشا بەرۋ كەزىندە ۇستالدى. ولاردىڭ بىرەۋىنەن 9 مم كاليبرلى 13 پاترونى بار تاپانشا (سيگنالدىق) تابىلىپ، تاركىلەندى»، – دەپ حابارلادى جەتىسۋ وبلىسى پد ۇققكب باستىعى سارقىتباي قۇسايىنوۆ.
اتالعان فاكت بويىنشا تەرگەۋ امالدارى ق ر قك-نىڭ 194-بابىنا سايكەس «قورقىتىپ الۋ» جۇرگىزىلەدى. ۇستالعان ادامدار ۋاقىتشا ۇستاۋ يزولياتورىنا قامالدى.
