ۆەدومستۆوارالىق كوميسسيا 16 كينو جوبانى ىرىكتەدى، دەپ حابارلايدى aqshamnews.kz
كوميسسيا ىرىكتەۋدى ۇلتتىق كينونى قولداۋ مەملەكەتتىك ورتالىعىنىڭ ساراپتامالىق كەڭەسىنىڭ قورىتىندىسى بويىنشا جۇرگىزدى.
كوميسسيا مۇشەلەرى وتاندىق كينويندۋستريانى دامىتۋعا جانە ۇلتتىق قۇندىلىقتاردى ناسيحاتتۋعا ۇلەس قوسا الاتىن الەۋەتى جوعارى جوبالاردى تاڭدادى.
ايتا كەتەيىك، كونكۋرسقا انيماسيا، دەرەكتى، كوركەم فيلمدەرى ساناتى بويىنشا 444 ءوتىنىم تىركەلگەن. ساراپتاما كەڭەسىنىڭ قاراۋىنا 357 جوبا جولداندى. باعالاۋ ناتيجەسىندە 128 سەناريي مەن سەنارييلىك جوسپار ەكىنشى كەزەڭگە ءوتتى. بۇل كەزەڭدە قاتىسۋشىلار تولىق قۇجاتتار پاكەتىن ۇسىندى. ناتيجەسىندە 99 جوبا پيچينگكە جولداما الدى.
9-12 ماۋسىم ارالىعىندا الماتى قالاسىندا كونكۋرستىق ىرىكتەۋدىڭ ەكى كەزەڭىنەن ءساتتى وتكەن كينو جوبالاردىڭ پيچينگى ءوتتى. پيچينگ كينو ورتالىقتىڭ رەسمي YouTube ارناسىندا تىكەلەي ەفيردە كورسەتىلدى. بۇل كونكۋرستىڭ اشىقتىعى مەن ادىلەتتىلىگىنە دەگەن ۇستانىمدى كورسەتەدى.
كينو جوبالاردى قارجىلاندىرۋ تۋرالى سوڭعى شەشىمدى قازاقستان رەسپۋبليكاسى مادەنيەت جانە اقپارات مينيسترلىگى قابىلدايدى.