بۇل تۋرالى ءىىم اكىمشىلىك پوليسيا كوميتەتى باسقارماسى باستىعىنىڭ ورىنباسارى داۋرەن قوزىباقوۆ ايتتى.
ءىس-شارا اياسىندا 800-گە جۋىق اتىس قارۋى مەن 780-گە جۋىق ارنايى قۇرال مەن وق-دارىلەر تابىلىپ، تاركىلەنگەن، دەپ حابارلايدى Almaty-akshamy.kz ءىnbusiness.kz سايتىنا سىلتەمە جاساپ.
قاڭتار وقيعاسى كەزىندە جاريالانعان توتەنشە جاعداي الىنعان سوڭ «قۇقىقتىق ءتارتىپ» جەدەل الدىن الۋ ءىس-شاراسى باستالدى.
«قۇقىقتىق ءتارتىپ» جەدەل الدىن الۋ ءىس-شاراسى بارىسىندا اتىس قارۋى مەن وق-دارىلەردى زاڭسىز الىپ جۇرگەنى جانە ساقتاعانى ءۇشىن 459 ادام ۇستالدى، 792 اتىس قارۋى مەن 778 ارنايى قۇرالدار مەن وق-دارىلەر تابىلدى جانە تاركىلەندى»، - دەدى قوزىباقوۆ دۇيسەنبىدە وتكەن بريفينگتە.
باسقارما باستىعىنىڭ ايتۋىنشا، ءقازىر قارۋدى ءوز ەركىمەن تاپسىرۋ اكسياسى بولىپ جاتىر.
«ازاماتتار ءوز ەركىمەن 109 قارۋ تاپسىردى، ونىڭ ىشىندە 11ء-ى ويىق، 53ء-ى تەگىس ۇڭعىلى قارۋ جانە 28 ءار ءتۇرلى قارۋ بار»، - دەدى قوزىباقوۆ.
ونىڭ مالىمەتىنشە، جەدەل الدىن الۋ شاراسى باستالعاننان بەرى ەسىرتكى زاتتارىن زاڭسىز ساقتاعانى جانە الىپ جۇرگەنى ءۇشىن 684 ادام ۇستالدى، ولاردان 263 كگ جۋىق ەسىرتكى، ونىڭ ىشىندە 545 گرامنان استام گەروين تابىلدى. «قۇقىقتىق ءتارتىپ» جەدەل الدىن الۋ شاراسى 19 قاڭتاردا باستالعان، ەرەكشە وكىمگە دەيىن جالعاسادى.
قاڭتاردا جاڭاوزەندە باستالعان بەيبىت ميتينگتەر ەكونوميكالىق جانە ساياسي تالاپتارعا ۇلاسىپ، بۇكىل ەل بويىنشا جاپپاي نارازىلىق ءوتتى. كەيبىر ايماقتا اكىمشىلىك عيمارات، پوليسيا بولىمشەلەرى، دۇكەندەرگە شابۋىل باستالعان. بەلگىسىز ادامداردىڭ ارەكەتىنەن الماتىدا شىعىن كوپ بولدى. وندا جەتى قارۋ-جاراق دۇكەنى تونالىپ، 1،3 مىڭنان استام قارۋ-جاراق ۇرلانعان. ۇرلانعان زاتتىڭ ءبىر بولىگى تابىلعان جانە تاركىلەنگەن.