كۇدىكتىلەر جايلى شىنايى اقپارات بەرگەن ادامعا اقشالاي سىياقى تولەنەدى.
قارجى مونيتورينگى اگەنتتىگى 1،1 ملرد تەڭگە بيۋدجەت قارجىسىن جىمقىردى دەگەن كۇدىكپەن ەكى ازاماتقا ىزدەۋ جاريالادى، دەپ حابارلايدى Almaty-akshamy.kz
«قارجى مونيتورينگى اگەنتتىگى كاسىپكەر ا.ب. جەكسەنعالييەۆ پەن قازاقستان ازاماتى ە.ك.مەدەتبەكوۆكە ىزدەۋ جاريالايدى. ولار 1،1 ملرد تەڭگە بيۋدجەت قارجىسىن ۇرلادى دەگەن كۇدىككە ءىلىندى. بۇل الدىن الا كەلىسۋ ارقىلى ءبىر توپ اداممەن اسا ءىرى مولشەردە اقشا ۇرلاۋ»، - دەلىنگەن ۆەدومستۆو حابارلاماسىندا.
ەكەۋىنە قاتىستى قاماۋدا ۇستاۋ تۇرىندە بۇلتارتپاۋ شاراسى تاڭدالدى.
ىزدەستىرىلىپ جاتقان ادامدار جايلى قانداي دا ءبىر اقپارات بەلگىلى بولسا، اگەنتتىكتىڭ سەنىم تەلەفونىنا – +7 7172 708 478، +7 7172 767 921 حابارلاسۋعا نەمەسە نۇر-سۇلتان قالاسى، بەيبىتشىلىك كوشەسى، 10 مەكەنجايىنا بارۋعا بولادى.
كۇدىكتىنىڭ تۇراتىن جەرى تۋرالى شىنايى اقپارات بەرگەن ادامعا اقشالاي سىياقى كوزدەلگەن. حابار بەرگەن ادامنىڭ ءاتى-جونى جاريا ەتىلمەيدى.