گازدى ەكسپورتتاۋ ازايادى.
ەكسپورت ازايعاندا تابىس كەمىپ، ىشكى نارىقتاعى باعا شامامەن 60 پايىز ءوسۋى مۇمكىن، دەپ حابارلايدى Almaty-akshamy.kz
سەنات دەپۋتاتى ەرىك سۇلتانوۆ گاز باعاسىن بەلگىلەۋدىڭ جاڭا مودەلىن قالىپتاستىرۋ كەرەك ەكەن ايتادى. سەناتوردىڭ ايتۋىنا قاراعاندا، ىشكى نارىقتا گاز تۇتىنۋ كولەمى ۇلعاياتىندىقتان، گازدى ەكسپورتتاۋ ازايادى. ىشكى نارىقتاعى باعانى ۇلتتىق وپەراتور QazaqGaz كومپانياسى سۋبسيديالايتىنى بەلگىلى. ەندەشە ەكسپورت ازايعاندا تابىس كەمىپ، ىشكى نارىقتاعى باعا شامامەن 60 پايىز ءوسۋى مۇمكىن.
«گاز ءتاريفىنىڭ كوتەرىلۋىنەن قۇتىلا المايتىنىمىزدى اشىق ايتۋ كەرەك. سوندىقتان گاز تارتىلماعان وڭىرلەردى گازداندىرا الاتىنداي، الەۋمەتتىك وسال توپتارعا قولايلى باعا ۇستاپ تۇرا الاتىنداي تاريف بەلگىلەۋدىڭ وڭتايلى تەتىگىن انىقتاۋ ماڭىزدى»، - دەيدى سەناتور.