2024 جىلدىڭ 26 جەلتوقسانىندا قورداي اۋداندىق سوتى «قازاۆتوجول» جامبىل وبلىستىق فيليالى باسشىسىنىڭ ورىنباسارى د. تۋلتايەۆ، «دورستروي» ج ش س مەردىگەرلىك ۇيىمىنىڭ جوباسىنىڭ جەتەكشىسى ۋ. قۇربانوۆ جانە «الماتى ساپا ينجينيرينگ» ج ش س تەحنيكالىق قاداعالاۋ ساراپشىسى د. مۇساقۇلعا قاتىستى ۇكىم شىعاردى.
سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە، ولار قازاق-قىرعىز شەكاراسىنداعى «قورداي» وتكىزۋ پۋنكتىن سالۋ، كەڭەيتۋ جانە قايتا قۇرۋ كەزىندە 296 ميلليون تەڭگەدەن استام بيۋدجەت قاراجاتىن ىسىراپ ەتكەنى ءۇشىن كىنالى دەپ تانىلدى.
سوت ۇكىمى بويىنشا:
- د. تۋلتايەۆ پەن ۋ. قۇربانوۆ جول-قۇرىلىس جانە قۇرىلىس جۇمىستارى سالاسىنداعى كاسىپكەرلىك قىزمەتپەن اينالىسۋ قۇقىعىنان 10 جىلعا ايىرىلىپ، ءارقايسىسىنا 8 جىل باس بوستاندىعىنان ايىرۋ جازاسى تاعايىندالدى.
- د. مۇساقۇل ساۋلەت، قالا قۇرىلىسى جانە قۇرىلىس سالاسىندا ينجينيرينگتىك قىزمەت كورسەتۋمەن اينالىسۋ قۇقىعىنان 10 جىلعا ايىرىلىپ، 7 جىلعا باس بوستاندىعىنان ايىرۋ جازاسىنا كەسىلدى.
سوتتىڭ بۇل شەشىمى ءالى زاڭدى كۇشىنە ەنگەن جوق.