الماتىدا جاستار ساياساتى باسقارماسىنىڭ قولداۋىمەن جانە «ەل شەجىرە» قوعامدىق قورىنىڭ ۇيىمداستىرۋىمەن «سىبايلاس جەمقورلىققا قارسى ۆولونتەرلىك» جوباسى ىسكە قوسىلدى. بۇل باستاما قوعامدا ادالدىق پەن اشىقتىق قۇندىلىقتارىن نىعايتۋعا، سونداي-اق ازاماتتىق بەلسەندىلىكتى ارتتىرۋعا باعىتتالعان.
جوبانىڭ نەگىزگى ماقساتى – سىبايلاس جەمقورلىققا قارسى ءىس-قيمىلدى نىعايتىپ، ادىلدىك پەن سەنىم اتموسفەراسىن قالىپتاستىرۋ. وسى ارقىلى ازاماتتاردىڭ قۇقىقتىق ساۋاتتىلىعىن ارتتىرىپ، جەمقورلىقتىڭ الدىن الۋدا حالىقتىڭ بەلسەندىلىگىن كۇشەيتۋ كوزدەلەدى.
جوبا اياسىندا ارنايى سىبايلاس جەمقورلىققا قارسى بەينەروليك دايىندالدى. بۇل بەينەماتەريالدا ۆولونتەرلەردىڭ جەمقورلىققا قارسى كۇرەستەگى ءرولى، ولاردىڭ قوعامداعى ادىلدىك پەن سەنىمدىلىك قاعيداتتارىن قالىپتاستىرۋداعى ماڭىزى كورسەتىلگەن.
سونىمەن قاتار ۆولونتەرلەر تۇرعىندارعا جەمقورلىقتىڭ الدىن الۋ، زاڭدىق قۇقىقتارىن قورعاۋ جانە قۇقىقتىق كەڭەس بەرۋ بويىنشا كومەك كورسەتەدى. بۇل جۇمىس ازاماتتاردى ءوز قۇقىقتارىن قورعاۋعا ۇيرەتىپ، قوعامدا سەنىمدى قارىم-قاتىناس ورناتۋعا سەپتىگىن تيگىزەدى.
«سىبايلاس جەمقورلىققا قارسى ۆولونتەرلىك» باستاماسى قوعامداعى سەنىمدىلىكتى نىعايتۋعا جانە اشىقتىق پەن ادىلدىك پرينسيپتەرىن قولداۋعا باعىتتالعان. جوبا بارىسىندا كەز كەلگەن ازامات سىبايلاس جەمقورلىققا قارسى كۇرەسكە ۇلەس قوسىپ، قۇقىقتىق ماسەلەلەر بويىنشا ۆولونتەرلەردەن تەگىن كومەك الا الادى.
بۇل باستاما قوعامنىڭ ءاربىر مۇشەسىن جەمقورلىقسىز بولاشاق قۇرۋ جولىنداعى جاۋاپكەرشىلىككە شاقىرادى. سىبايلاس جەمقورلىققا قارسى كۇرەس تەك مەملەكەتتىك دەڭگەيدە ەمەس، ءاربىر ازاماتتىڭ بەلسەندى قاتىسۋىن قاجەت ەتەتىن ورتاق ءىس بولىپ تابىلادى.
ادالدىقتى ناسيحاتتاپ، سەنىمدىلىكتى نىعايتۋعا باعىتتالعان بۇل جوبا جەمقورلىقسىز قوعام قۇرۋ جولىنداعى ماڭىزدى قادام.