قالدىقتاردى باسقارۋ جۇيەسى جۇمىسىنىڭ تيىمدىلىگىن ارتتىرۋ شەڭبەرىندە الماتى اكىمدىگى قوقىستى جيناپ، قايتا وڭدەپ ءارى كادەگە جاراتۋ ءۇشىن تۇراقتى ينفراقۇرىلىم دايىنداۋ بويىنشا ءىس-شارالار جۇرگىزۋدە. بۇل ءۇشىن قاجەتتى شەشىمدەر قابىلداندى.
«الماتى قالاسىنىڭ اكىمدىگى قالدىقتاردى باسقارۋ تيىمدىلىگىن ارتتىرۋ بويىنشا ۇلكەن جۇمىس جۇرگىزىپ جاتقانىن كورىپ وتىرمىز. ءساۋىر ايىندا قوقىس شىعارۋ ءتاريفى كوتەرىلدى. بۇل قوقىس شىعاراتىن جەكە كومپانيالارعا جاڭا ماشينالار ساتىپ الۋعا جانە قىزمەتكەرلەرىنىڭ جالاقىسىن كوتەرۋگە مۇمكىندىك بەردى. سونداي-اق اكىمدىك ەكولوگيالىق كودەكستە كورسەتىلگەن ينفراقۇرىلىمدى جاقسارتۋمەن اينالىسادى. ەسكى، توزعان كونتەينەرلەر جاڭاسىنا اۋىستىرىلادى. اكىمدىك وتكىزەتىن بارلىق ءىس-شارالار قالانىڭ ەستەتيكالىق كەلبەتىنە جانە ونىڭ سانيتارلىق جاعدايىن جاقسارتۋعا ىقپال ەتەدى دەپ ۇمىتتەنەمىز»، — دەدى قازاقستاندىق «KazWaste» قالدىقتاردى باسقارۋ قاۋىمداستىعىنىڭ اتقارۋشى ديرەكتورى ۆەرا مۇستافينا.