بىشكەكتە «ارت-وردو» 9-شى حالىقارالىق تەاتر فەستيۆالى ءوتىپ جاتىر، دەپ حابارلايدى اlmaty-akshamy.kz 24. kz-كە سىلتەمە جاساپ.
ايتۋلى ءىس-شارا اياسىندا قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىنىڭ «قوزى كورپەش-بايان سۇلۋ» سپەكتاكلىنىڭ پرەمەراسى ءوتتى.
بىشكەكتىكتەر قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىنىڭ سپەكتاكلىن زور ىقىلاسپەن قابىلدادى. ساحنادا اكتەرلاردان باسقا، وركەستر دە ونەر كورسەتكەن. بۇل درامالىق شىعارمانىڭ اسەرىن ارتتىرا ءتۇستى. وسىلايشا، اۆتور كلاسسيكالىق قۇر بايانداۋدان باس تارتىپ، قوزى كورپەش پەن بايان سۇلۋدىڭ ماحاببات حيكاياسىن زاماناۋي تاسىلدە جەتكىزە بىلگەن.
شاح-مۇرات وردابايەۆ، تەاتر اكتەرى:
- بۇل سپەكتاكل شەتەلدەگى فەستيۆالگە العاش رەت ۇسىنىلدى، سوندىقتان ءبىز، ارينە، قوبالجيمىز. ونىڭ ۇستىنە ءبىز كوپپىز، مۇندا ارتيستەر عانا ەمەس، حالىق وركەسترى دە بار. ناتيجەسىندە ايرىقشا سەنوگرافيا جاسالدى. سوندىقتان ءبىز وپەرا تەاترىنىڭ ساحناسىندا ونەر كورسەتىپ جاتىرمىز. بىزگە دراما ەندى ازدىق ەتەدى.
حالىق اسپاپتار وركەسترى بارلىق مۋزىكالىق پارتيالاردى جاندى مانەردە ورىنداپ، سپەكتالگە وزگەشە سيپات بەردى. ساحنادا ەسكى زامان حيكاياسى زاماناۋي اۋەنمەن ءوربىپ وتىردى. ءتىپتى مايكل دجەكسوننىڭ دا اندەرىنەن ءۇزىندى بەرىلگەن.
ايبولات ءجاۋدىر، قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىنىڭ ديرەكتورى:
- Cپەكتاكلىمىزدىڭ رەجيسسورى – گۇلناز بالپەيىسوۆا، قازىرگى تاڭدا ماسكەۋدەگى ۆاحتانگوۆ تەاترىنىڭ رەجيسسورى. قويۋشى-سۋرەتشىسى – قانات مۇراتوۆ، قازاقستاننىڭ ەڭبەك سىڭىرگەن قايراتكەرى. جانە ديريجەرى – مارال مىرزاكۇلوۆا. بۇل جەردە سپەكتاكل جاندى داۋىستا وتەدى.
حالىقارالىق تەاتر فەستيۆالىنە قازاقستاننان باسقا، تۇركيا، وزبەكستان، رەسەي مەن بەلارۋس تە قاتىسىپ جاتىر. ولار قويعان سپەكتاكلدەردى قازىلار القاسى باعالايدى. ساراپشىلار قازاق سپەكتاكلىنىڭ ۇزدىك اتانۋعا مۇمكىندىگى مول دەيدى.