24-27 شىلدە كۇنى ارالىعىندا الماتىدا ءدىن ىستەرى باسقارماسىنىڭ "ءدىن سالاسىنداعى ماسەلەلەردى زەرتتەۋ ورتالىعى" كمم-سى ۇيىمداستىرۋىمەن ءاقپاراتتىق-تۇسىندىرۋ جۇمىستارى جۇرگىزىلدى.
ءبۇل جۇمىسقا 200 ادام قامتىلدى.
ونىڭ ىشىندە:
- ءوزىن-وزى جۇمىسپەن قامتىعاندار اراسىندا 5 شارا؛
- قانداستار اراسىندا 1 شارا؛
- ايەل-قىزدار اراسىندا 1 شارا؛
- جۇمىسسىزدار اراسىندا 1 شارا.
دارىسكەرلەر تاراپىنان تىڭداۋشىلارعا قوعامدىق ورىنداردا بەت-الپەتتى جاباتىن كيىم كيۋگە رەسمي تىيىم سالۋعا قاتىستى زاڭناماداعى وزگەرىستەردى ءتۇسىندىرۋ، مەملەكەتتىڭ زايىرلى قۇرىلىمىنىڭ قۇندىلىقتارى ءتۇسىندىرىلىپ، اقپاراتتىق تاراتپا ماتەريالدار تاراتىلدى.
الماتىدا وزگە ءدىن جەتەگىندە كەتكەندەرمەن جۇمىس قالاي جۇرگىزىلەدى؟
قازاقستان رەسپۋبليكاسىن كونستيتۋسياسىنىڭ 2 بابىنا سايكەس اركىمنىڭ ار-وجدان بوستاندىعىنا قۇقىعى بار. وسىعان بايلانىستى، ازاماتتاردىڭ كەز كەلگەن ءدىندى ۇستانۋعا نەمەسە ۇستانباۋعا قۇقىعى بار ەكەندىگىن اتاپ وتكەن ءجون.
بۇدان بولەك، ەكسترەميستىك ءدىني اعىمداردان زارداپ شەككەن ازاماتتارعا كومەك كورسەتۋ ماقساتىندا 2017 جىلدان بەرى باسقارما جانىنداعى «كەڭەس بەرۋ جانە وڭالتۋ ورتالىعى» ءوز قىزمەتىن جۇرگىزىپ كەلەدى. اتالعان ورتالىق تەولوگ جانە پسيحولوگ مامانداردىڭ قاتىسۋىمەن ەكسترەميستىك سيپاتتاعى ءدىني اعىمداردىڭ راديكالدى، سونداي-اق جالعان يدەولوگيالارىنىڭ ىقپالىنا ۇشىراعان ادامدار ءۇشىن كەڭەس بەرۋ، الدىن الۋ جانە وڭالتۋ قىزمەتتەرىن كورسەتۋمەن اينالىسادى.
بۇل باعىتتاعى جۇمىس اعىمداعى جىلى دا جۇيەلى جانە جوسپارلى نەگىزدە جالعاسۋدا. سونىمەن قاتار، ورتالىقتا ەرلەر مەن ايەلدەرگە ارنالعان سەنىم تەلەفونى بار ەكەندىگىن اتاپ وتكەن ءجون (ەرلەرگە ارنالعان سەنىم تەلەفونى: +77011207570، ايەلدەرگە ارنالعان سەنىم تەلەفونى: +77011200503).