سوتتالعان قۋاندىق بيشىمبايەۆتىڭ بۇرىنعى ايەلى نازىم قاھارمان تۋعان كۇنىندە ەكس-كۇيەۋىنەن توسىنسىي العانىن ايتتى، - دەپ حابارلايدى aqshamnews.kz ءتىلشىسى.
بۇل تۋرالى ول الەۋمەتتىك جەلىدەگى پاراقشاسىندا ءبولىستى.
نازىم قاھارمان تاڭنان بەرى تۋىستارى مەن جاقىندارىنان گۇل مەن قۇتتىقتاۋلار تولاسسىز كەلىپ جاتقانىن ايتتى. بۇدان بولەك وعان ەكى حات كەلگەن. ءبىرى – بالالارمەن قارىم-قاتىناس ءتارتىبىن انىقتاۋ تۋرالى تالاپ، ەكىنشىسى – بالالاردى شەتەلگە شىعارۋعا قاتىستى سەنىمحاتتى قايتارىپ الۋ تۋرالى ەسكەرتۋ.
"ول تۋعان كۇنىمە سىيلىعىن ۋاقىتىندا جەتكىزۋ ءۇشىن بارىن سالعان سياقتى. تاڭ اتپاستان ودان ەكى حات الدىم. كەشە قول قويىپتى، ستەپنوگورسكىدەن بۇگىن جەدەل تۇردە "ۇشىپ" كەلگەن ەكەن"، - دەدى نازىم قاھارمان.
ونىڭ ايتۋىنشا، بيشىمبايەۆ ورتاق بالالارىنا قاتىستى ماسەلە بويىنشا سوتقا ارىز تۇسىرگەن. نازىم قاھارمان بۇرىنعى كۇيەۋى بالالارىنا شەتەلگە رۇقساتسىز شىعۋعا مۇمكىندىك بەرەتىن سەنىمحاتىن قايتارىپ العانىن ايتتى.
"عاجايىپ نارسە بولمايدى ەكەن، وكىنىشكە قاراي. مۇنداي ادامدار ەشقاشان وزگەرمەيدى، كەرىسىنشە بۇرىنعىدان بەتەر ناشار بولا تۇسەدى"، - دەپ جازدى بيشىمبايەۆتىڭ بۇرىنعى ايەلى.
ەسكە سالايىق، قۋاندىق بيشىمبايەۆ 2024 جىلى ازاماتتىق نەكەدەگى ايەلى سالتانات نۇكەنوۆانى ەرەكشە قاتىگەزدىكپەن ولتىرگەنى ءۇشىن 24 جىلعا باس بوستاندىعىنان ايىرىلدى.