The Ring جۋرنالىنىڭ ينسايدەرى جانە DAZN جەتەكشىسى مايك كوپپيندجەر ورتا سالماقتا IBF جانە WBO جانىبەك ءالىمحان ۇلى (17-0، 12 KO) مەن WBA تيتۋلىنا يە كۋبالىق ەريسلاندي لارا (31-3-3، 19 KO) اراسىنداعى جەكپە-جەك وتپەي قالۋى مۇمكىن ەكەنىن ايتتى، - دەپ حابارلايدى aqshamnews.kz ءتىلشىسى Vesti.kz-كە سىلتەمە جاساپ.
بۇل تۋرالى ول الەۋمەتتىك جەلىدە جازدى.
"ەڭبەك قابىلەتىن ارتتىراتىن تىيىم سالىنعان زاتتارعا بويىنشا VADA تالداۋىنىڭ ناتيجەسى جانىبەك ءالىمحان ۇلى ءۇشىن جاعىمسىز بولىپ تۇر. بۇل تۋرالى دەرەككوز حابارلاپ وتىر. ورتا سالماقتاعى تيتۋل بىرىكتىرەتىن جانىبەك پەن ەريسلاندي لارا اراسىنداعى جەكپە-جەك سەنبى كۇنى ءوتۋى ءتيىس بولاتىن، ءبىراق، ەندى ول وتپەي دە قالۋى ىقتيمال. لارا – بوكستا جاسى ۇلكەن بەلسەندى چەمپيون جانە ول WBA تيتۋلىن باسقا قارسىلاسقا قارسى قورعاي الادى"، – دەپ جازدى مامان.
ەسكە سالايىق، بۇل ايقاس 6 جەلتوقساندا سان-انتونيودا (اقش) (قازاقستان ۋاقىتىمەن 7 جەلتوقسان) وتەدى دەپ جوسپارلانعان بولاتىن.