الماتى قالاسى، الماتى جانە جەتىسۋ وبلىستارى بويىنشا قاج دەپارتامەنتىنە قاراستى مەكەمەلەردە ءوندىرىس ورىندارىن جانە جاڭا جۇمىس ورىندارىن اشۋ، سونداي-اق سوتتالعانداردى جۇمىسپەن قامتۋدى ارتتىرۋ ماقساتىندا وبلىس جانە قالا كاسىپكەرلەرى ءۇشىن اشىق ەسىك كۇنى وتكىزىلدى.
اتالعان دەپارتامەنتتىڭ جانە الماتى وبلىسى مامانداندىرىلعان پروكۋراتۋراسىنىڭ باستاماسىمەن وتكىزىلگەن اشىق ەسىك كۇنى №10، №12، №14 جانە №57 مەكەمەلەرىندە ۇيىمداستىرىلىپ، سوتتالعانداردى جۇمىسپەن قامتۋ ماسەلەسى تالقىلاندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇگىنگى تاڭدا، دەپارتامەنتكە قاراستى مەكەمەلەردە جازاسىن وتەپ جاتقان 1300 سوتتالعان جۇمىسپەن قامتاماسىز ەتىلگەن جانە مەكەمەلەر اۋماعىندا 50 جەكە كاسىپكەرلىك جاۋاپكەرشىلىگى شەكتەۋلى سەرىكتەستىكتەر جۇمىس ىستەيدى.
ولار 600-دەن اسا سوتتالعانداردى جۇمىسپەن قامتاماسىز ەتىپ وتىر. كاسىپورىندار نەگىزىنەن مەتاللكونسترۋكسياسىمەن، اعاش وڭدەۋ، تىگىن جانە جاساندى تەرى بۇيىمدارىن شىعارۋمەن اينالىسادى.
«مەكەمەلەر اۋماعىنداعى ءوندىرىس كولەمىن ۇلعايتۋ ماقساتىندا ۇيىمداستىرىلعان اشىق ەسىك كۇنىنە الماتى وبلىسى كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ، “قونايەۆ قالاسى بويىنشا مانساپ ورتالىعىنىڭ”، “قونايەۆ قالاسىنىڭ كاسىپكەرلىك ءبولىمىنىڭ” جانە الماتى وبلىسىنداعى ءىرى كاسىپورىندار مەن شاعىن بيزنەس وكىلدەرى قاتىستى. ولار مەكەمەلەردەگى جۇمىس ىستەپ تۇرعان وبەكتىلەر مەن بوس ءۇي-جايلاردى ارالاپ، وندىرىلەتىن ونىمدەرمەن تانىستى»، – دەپ اتاپ ءوتتى قاجد باستىعىنىڭ ورىنباسارى رۋسلان گابيبوۆ.