پوليسەيلەر ءبىرقاتار قارىزى بار اقمولالىقتى الماتىدان تاپتى.
كوكشەتاۋ قالاسى پب كپب ىزدەستىرۋ توبىنىڭ قىزمەتكەرلەرى وبلىس ورتالىعىنىڭ 35 جاستاعى تۇرعىنىنىڭ ءبىر جارىم جىل ۇزدىكسىز ىزدەۋدەن كەيىن تۇرعان جەرىن انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەر ادامنىڭ اكەسى 2021 جىلدىڭ قاڭتارىندا ۇلىنىڭ جوعالعانى تۋرالى وتىنىشپەن جۇگىندى. ءىز-تۇسسىز جوعالعان اقمولالىقتىڭ اتا-اناسىنان باسقا جۇبايى مەن ەكى جاس بالاسى بار. ەر ادامدى ىزدەۋگە كوكشەتاۋ قالاسى پوليسيا باسقارماسىنىڭ، اقمولا وبلىسى پد اۋماقتىق بولىمشەلەرىنىڭ جەكە قۇرامى، بەرىلگەن كۇشتەر باعىتتالدى.
ىزدەستىرۋ شارالارىن جۇرگىزۋ بارىسىندا ءىز-تۇسسىز جوعالعان ەر ادامنىڭ ميكروقارجى ۇيىمدارىندا، ق ر بانكتەرىنىڭ بىرىندە، سونداي-اق جەكە تۇلعا الدىندا ءبىرقاتار بەرەشەگى بار ەكەنى انىقتالدى. 2 تامىزدا كوكشەتاۋ جەدەل ۋاكىلدەرى ءىز-تۇسسىز جوعالعان ادامنىڭ ورنالاسقان جەرىن الماتى قالاسىنان انىقتادى.